ನವೆಂಬರ್‌ ೧ಕ್ಕೆ ಯುವರಾಜ್ ಕುಮಾರ್ ಸಿನಿಮಾದ‌ ವಿಡಿಯೋ‌ ಲಾಂಚ್…

ಯುವರಾಜ್ ಕುಮಾರ್‌ ಡಾ.ರಾಜ್ ಕುಮಾರ್ ಮನೆತನದ ಮೂರನೇ ತಲೆಮಾರಿನ ಎರಡನೇ ಕುಡಿ ಈಗ ಚಿತ್ರರಂಗದಲ್ಲಿ‌ ನಾಯಕನಾಗಿ‌ ಎಂಟ್ರಿ‌ ಕೊಡುತ್ತಿದ್ದಾರೆ. ಅವರ ನಟನೆ ಚಿತ್ರ ಐತಿಹಾಸಿಕ ಚಿತ್ರವಾಗಿದ್ದು ಈ ಸಿನಿಮಾದ ಲಾಂಚ್ ವೀಡಿಯೊ ಮತ್ತು ಟೈಟಲ್ ಅನ್ನು ನವೆಂಬರ್ 1 ಕನ್ನಡ ರಾಜ್ಯೋತ್ಸವದಂದು ಪಿ ಆರ್ ಕೆ‌ ಆಡಿಯೋ‌ ಯು ಟ್ಯೂಬ್ ಚಾನೆಲ್ ನಲ್ಲಿ ರಿಲೀಸ್ ಮಾಡಲಾಗುವುದು.

ಏಪ್ರಿಲ್ 24 ರಂದು ಡಾಕ್ಟರ್ ರಾಜ್ ಕುಮಾರ್ ರವರ ಹುಟ್ಟು ಹಬ್ಬದ ದಿನ ಈ ಚಿತ್ರದ ಮೊದಲ ಪೋಸ್ಟರ್ ಅನ್ನು ರಿಲೀಸ್ ಮಾಡಲಾಗಿತ್ತು. ಅದರಲ್ಲಿ ‘ಯುವ ೦೧’ ಎಂಬ ಟೈಟಲ್ ಇತ್ತು. ಈಗ ಲಾಂಚ್ ವೀಡಿಯೊ ಪ್ರೋಮೊದಲ್ಲಿ ‘ವೈ ಆರ್ ೦೧’ ಎಂದು ಇದೆ. ಪಿ ಆರ್ ಕೆ ಆಡಿಯೋ ಯು ಟ್ಯೂಬ್ ಚಾನೆಲ್ ನಲ್ಲಿ ಅಣ್ಣ ತಮ್ಮಂದಿರ ಸಮಾಗಮವಿದೆ ಎಂಬ ಸುದ್ದಿ ಕೂಡ ಇದೆ.
ಶಿವಣ್ಣ, ರಾಘಣ್ಣ ಹಾಗು ಅಪ್ಪು ಒಂದೇ ವೇದಿಕೆಯಲ್ಲಿ ಯುವ ಅವರ ವೀಡಿಯೊ ಹಾಗು ಟೈಟಲ್ ಲಾಂಚ್ ಮಾಡಲಿದ್ದಾರೆ ಎಂಬ ಸುದ್ದಿಗಳು ಕೇಳಿ‌ ಬರುತ್ತಿದೆ. ಈ‌ ವಿಷಯ ಕೇಳಿ ಅಭಿಮಾನಿಗಳಿಗಂತೂ ಫುಲ್‌ ಖುಷಿಯಾಗಿದ್ದಾರೆ.

‘ಯುವರಾಜ್ ಕುಮಾರ್’ ರವರು ಟ್ವಿಟ್ಟರ್ ನಲ್ಲಿ ವೀಡಿಯೊ ತುಣುಕೊಂದನ್ನು ಅಪ್ಲೋಡ್ ಮಾಡಿದ್ದಾರೆ. ಇದಕ್ಕೆ ಅಭಿಮಾನಿಗಳಿಂದ ಒಳ್ಳೆಯ ಪ್ರತಿಕ್ರಿಯೆ ಕೂಡ ಬಂದಿದ್ದು. ಈ ಚಿತ್ರವನ್ನು ಕೆ ಜಿ ಎಫ್ ಚಿತ್ರಕ್ಕೆ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ್ದ ಪುನೀತ್ ರುದ್ರನಾಗ್ ರವರು ನಿರ್ದೇಶನ ಮಾಡುತ್ತಿದ್ದಾರೆ. ಸಂಗೀತ ರವಿ ಬಸ್ರೂರ್ ನೀಡಲಿದ್ದಾರೆ.