“ಮಹರಾಜ” – ವಿಜಯ್ ಸೇತುಪತಿಯ ಮಹರಾಜ ಚಿತ್ರಕ್ಕೆ ಬಿಡುಗಡೆಯ ದಿನಾಂಕ ಫಿಕ್ಸ್

ವಿಜಯ್ ಸೇತುಪತಿಯ ಮಹರಾಜ ಚಿತ್ರಕ್ಕೆ ಬಿಡುಗಡೆಯ ದಿನಾಂಕ ನಿಗದಿಯಾಗಿದೆ. ವಿಜಯ್ ಸೇತುಪತಿಯ 50ನೇ ಚಿತ್ರ ಇದಾಗಿದ್ದು, ಜೂನ್ 14ರಂದು ತೆರೆಯಮೇಲೆ ಬರಲಿದೆ.

ವಿಜಯ್ ಸೇತುಪತಿ ಭಾರತೀಯ ಚಿತ್ರರಂಗದ ಅತ್ಯಂತ ಬ್ಯುಸಿ ನಟ ಹಾಗೂ ಬಹು ಭಾಷೆಯ ಚಲನಚಿತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ವಿಜಯ್ ಸೇತುಪತಿಯ ಹಿಂದಿನ ಚಿತ್ರ Merry Christmas ಬಹಳ ಯಶಸ್ಸು ಕಂಡಿತ್ತು.

ಮಹರಾಜ ಚಿತ್ರವನ್ನು ನಿಥಿಲನ್ ಸ್ವಾಮಿನಾಥನ್ ನಿರ್ದೇಶನ ಮಾಡಿದ್ದು, ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಅನ್ನು ಚಿತ್ರತಂಡ ಸೆಪ್ಟೆಂಬರ್ 10ನೇ ತಾರೀಖಿನಂದು ಬಿಡುಗಡೆ ಮಾಡಿತ್ತು. ಪೋಸ್ಟರ್’ನಲ್ಲಿ ವಿಜಯ್ ರವರ ರಕ್ತಸಿಕ್ತ ಅವತಾರ ನೋಡಿದ ಅಭಿಮಾನಿಗಳಿಗೆ ವಿಜಯ್ ರವರ ಪಾತ್ರದ ಮೇಲೆ ಕಾತರ ಹೆಚ್ಚಾಗಿತ್ತು.

ವಿಜಯ್ ಸೇತುಪತಿಯ 50ನೇ ಚಿತ್ರ ಇದಾಗಿದ್ದು, ವಿಜಯ್ ಹಿಂದೆಂದೂ ಕಂಡಿರದ ಅವತಾರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅನುರಾಗ್ ಕಶ್ಯಪ್, ಮಮತಾ ಮೋಹನ್ ದಾಸ್, ನಟರಾಜನ್ ಸುಬ್ರಮಣ್ಯಂ ರವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರಕ್ಕೆ ಅಜನೀಶ್ ಲೋಕನಾಥ್ ರವರು ಸಂಗೀತ ಸಂಯೋಜನೆ ಮಾಡಿದ್ದು, ದಿನೇಶ್ ಪುರುಷೋತ್ತಮನ್ ರವರ ಛಾಯಾಗ್ರಹಣವಿದೆ. ಕಲಾ ನಿರ್ದೇಶನವನ್ನು ವಿ ಸೆಲ್ವಕುಮಾರ್ ಮಾಡಿದ್ದು, ಫಿಲೋಮಿನ್ ರಾಜ್ ರವರು ಸಂಕಲನವನ್ನು ಮಾಡಿದ್ದಾರೆ.

ಇದೀಗ, ಚಿತ್ರತಂಡ ಮೇ 30, ಸಂಜೆ 5 ಗಂಟೆಗೆ ಮಹರಾಜ ಚಿತ್ರದ ಟ್ರೈಲರ್ ಬಿಡುಗಡೆ ಮಾಡುತ್ತಿದೆ. ವಿಜಯ್ ಸೇತುಪತಿಯ 50ನೇ ಚಿತ್ರವನ್ನು ನೋಡಲು ಅಭಿಮಾನಿಗಳು ಬಹಳ ಕಾತರದಿಂದ ಕಾಯುತ್ತಿದ್ದಾರೆ.

ಚಲನಚಿತ್ರಗಳ ಕುರಿತ ಹೆಚ್ಚಿನ ಮಾಹಿತಿಗಾಗಿ http://flixoye.com ನ್ನು ಫಾಲೋ ಮಾಡಿ.