ದಾವಣಗೆರೆಯಲ್ಲಿ ಉಪ್ಪಿ- ರಚ್ಚು ಐ ಲವ್ ಯೂ ಆಡಿಯೋ ಲಾಂಚ್

ಭಾನುವಾರ ದಾವಣಗೆರೆಯಲ್ಲಿ ಉಪ್ಪಿ-ರಚ್ಚಿತಾ ಐ ಲವ್ ಯೂ ಆಡಿಯೋ ಲಾಂಚ್
ದಾವಣಗೆರೆಯಲ್ಲಿ ಆರ್. ಚಂದ್ರು ಐ ಲವ್ ಯೂ ಹಾಡುಗಳ ಅಬ್ಬರ
ಸ್ಯಾಂಡಲ್ ವುಡ್ ನ ಈ ವರ್ಷದ ಬಹು ನಿರೀಕ್ಷಿತ ಚಿತ್ರಗಳಲ್ಲಿ ಒಂದು ಐ ಲವ್ ಯೂ. ಸಾಕಷ್ಟು ಕುತೂಹಲ ಕೆರಳಿಸಿರುವ ಈ ಚಿತ್ರದ ಆಡಿಯೋ ಇದೇ ಭಾನುವಾರ ದಾವಣಗೆರೆಯಲ್ಲಿ,ಅದ್ಧೂರಿ ಕಾರ್ಯಕ್ರಮದೊಂದಿಗೆ ಬಿಡುಗಡೆಯಾಗ್ತಿದೆ. ಅದಕ್ಕಾಗಿ ಈಗಾಗ್ಲೇ ದಾವಣಗೆರೆಯಲ್ಲಿ ಭಾರಿ ತಯಾರಿ ನಡೆದಿದ್ದು, ಅದ್ಧೂರಿ ವೇದಿಕೆ ಸಿದ್ದವಾಗಿದೆ.
ಆರ್.ಚಂದ್ರು ನಿರ್ದೇಶಿಸಿ, ನಿರ್ಮಿಸಿರೋ ಐ ಲವ್ ಯೂ ಸಿನಿಮಾ. ರಿಯಲ್ ಸ್ಟಾರ್ ಉಪೇಂದ್ರ, ಡಿಂಪಲ್ ಕ್ವೀನ್ ರಚಿತಾ ರಾಮ್ ಕಾಂಬಿನೇಷನ್ ನ ಈ ಸಿನಿಮಾ ಹಲವಾರು ವಿಶೇಷತೆಗಳಿಂದ ಕನ್ನಡ ಸಿನಿಪ್ರಿಯರಲ್ಲಿ ಕುತೂಹಲ ಹುಟ್ಟಿಸಿದೆ. ಈಗಾಗ್ಲೇ ರಿಲೀಸ್ ಆಗಿರೋ ಟ್ರೈಲರ್, ಐ ಲವ್ ಯೂ ಸಿನಿಮಾದ ಕಥೆಯನ್ನ ನಾಲ್ಕಾರೂ ಆಂಗಲ್ ಗಳಲ್ಲಿ ಹೇಳ್ತಿದೆ. ಈ ಚಿತ್ರದಲ್ಲಿ ರಚಿತಾರಾಮ್ ಪಾತ್ರ ಮುಖ್ಯವಾಗಿದ್ದು, ಉಪೇಂದ್ರ ಅವ್ರ ಪಾತ್ರ ಅವ್ರ ಹಿಂದಿನ ಎ, ಉಪೇಂದ್ರ ಮತ್ತು ಪ್ರೀತ್ಸೆ ಸಿನಿಮಾಗಳನ್ನ ನೆನಪಿಸಲಿದೆಯಂತೆ. ಆರ್. ಚಂದ್ರು ಇದೇ ಮೊದಲ ಬಾರಿಗೆ ರಾ ಲವ್ ಥ್ರಿಲ್ಲರ್ ನ ಮಾಡಿದ್ದು, ಈ ಚಿತ್ರಕ್ಕೆ ಡೈ. ಕಿರಣ್ ಸಂಗೀತ ಸಂಯೋಜಿಸಿದ್ದಾರೆ.

ಮಲೇಷಿಯಾಗೆ ಹಾರಲಿದೆ ಐಲವ್ ಯೂ ಟೀಮ್..? ಯಾಕೆ ಗೊತ್ತಾ..?
ಕೊನೆಯಯ ಹಾಡಿನ ಚಿತ್ರೀಕರಣಕ್ಕೆ ಐ ಲವ್ ಯೂ ಟೀಮ್ ಮಲೇಷಿಯಾಗೆ..?
ಐ ಲವ್ ಯೂ ಚಿತ್ರದ ಆಡಿಯೋ ಲಾಂಚ್ ಆಗ್ತಿದ್ದಂತೆ, ಐ ಲವ್ ಯೂ ಟೀಮ್ ಮಲೇಷಿಯಾಗೆ ಹಾರಲಿದೆ, ಉಪೇಂದ್ರ ಮತ್ತು ರಚಿತಾರಾಮ್ ನಡುವಿನ ಬ್ಯೂಟಿಫುಲ್ ಹಾಡಿನ ಚಿತ್ರೀಕರಣಕ್ಕಾಗಿ ಹೊರಟಿದೆ. ಅಂದ್ಹಾಗೆ ಅದೇ ಚಿತ್ರದ ಕೊನೆಯ ಹಾಡಾಗಿದ್ದು, ಅದು ಮುಗಿಯುತ್ತಿದ್ದಂತೆ, ಪಬ್ಲಿಸಿಟಿ ಕಾರ್ಯಕ್ರಮ ಶುರುಮಾಡಲಿರೋ ಚಂದ್ರು, ಮಾರ್ಚ್ ತಿಂಗಳಲ್ಲಿ ಸಿನಿಮಾವನ್ನ ಪ್ರೇಕ್ಷಕರೆದುರಿಗೆ ತರಲಿದ್ದಾರಂತೆ.