ಶುರುವಾಯ್ತು ಉಡುಂಬಾ”ಶಿವರಾಜ್” ಅವರ 2ನೆ ಸಿನಿಮಾ

ಟ್ರೈಲರ್ ಹಾಗೂ ಹಾಡುಗಳ ಮೂಲಕ ನಿರೀಕ್ಷೆ ಹುಟ್ಟು ಹಾಕಿರುವ
ಉಡುಂಬಾ ಚಿತ್ರವು ಈ ತಿಂಗಳ ಅಂತ್ಯಕ್ಕೆ ತೆರೆಗೆ ಬರಲು ಸಿದ್ದವಾಗಿದೆ.
ಈ ಚಿತ್ರವನ್ನು ಶಿವರಾಜ್ ಅವರು ನಿರ್ದೇಶನ ಮಾಡಿದ್ದರು. ಮೊದಲ
ಚಿತ್ರ ತೆರೆಗೆ ಬರುವ ಮುನ್ನವೇ 2ನೇ ಚಿತ್ರಕ್ಕೆ ಸಿದ್ದತೆ ನಡೆಸಿದ್ದಾರೆ ನಿರ್ದೇಶಕ ಶಿವರಾಜ್ ಅವರು.

ಉಡುಂಬಾ ಚಿತ್ರದಲ್ಲಿ ಸಮುದ್ರ ತೀರದ ಸಮುದಾಯದ ಹುಡುಗನ ಕಥೆಯನ್ನು ವಿಭಿನ್ನವಾಗಿ ಹೇಳಿರುವ ಶಿವರಾಜ್ ಅವರು ಉತ್ತರ ಕರ್ನಾಟಕದಲ್ಲಿ ನಡೆದ ನೈಜಘಟನೆಯೊಂದನ್ನು ತೆರೆಯ ಮೇಲೆ ಹೇಳಲು ಸಿದ್ದಮಾಡಿಕೊಂಡಿದ್ದಾರೆ. ಹಳ್ಳಿ ಸೊಗಡಿನ ಹಿನ್ನೆಲೆಯಲ್ಲಿ ನಡೆಯುವ ಪ್ರೇಮಕಥೆ ಹೇಳಲಿರುವ ನಿರ್ದೇಶಕರು ಈ ಚಿತ್ರದ ಮೂಲಕ ಸಿಕ್ಸ್ ಪ್ಯಾಕ್ ನೊಂದಿಗೆ ಅಭಿನಯದ ನೃತ್ಯ ಸೇರಿದಂತೆ ನಾಯಕನಾಗಲು ಪೂರ್ವ ತಯಾರಿ ಪಡೆದಿರುವ ಯುವ ಪ್ರತಿಭೆಯ ನಟನನ್ನು ಈ ಚಿತ್ರದ ಮೂಲಕ ಪರಿಚಯ ಮಾಡಿಸುತ್ತಿದ್ದಾರೆ ನಿರ್ದೇಶಕ ಶಿವರಾಜ್ ಅವರು.

ವಿವೇಕ್ ಯವಗಲ್ ಫಿಲಂಸ್ ಬ್ಯಾನರ್ ಅಡಿಯಲ್ಲಿ ವಿವೇಕ್ ಯವಗಲ್
ಅವರು ಈ ಚಿತ್ರವನ್ನು ಮೊದಲಬಾರಿಗೆ ನಿರ್ಮಾಣ ಮಾಡಲಿದ್ದಾರೆ. ‌
ಜುಲೈ ತಿಂಗಳಲ್ಲಿ ಈ ಚಿತ್ರವು ಶುರುವಾಗಲಿದ್ದು, ಉತ್ತರ ಕರ್ನಾಟಕ
ಮಹಾರಾಷ್ಟ್ರದ ಗಡಿ ಭಾಗಗಳಲ್ಲಿ ಸೇರಿದಂತೆ ಹಲವು ಕಡೆ ಚಿತ್ರೀಕರಣ
ಮಾಡಲಿದ್ದಾರಂತೆ. ಅನೂಪ್ ಸೀಳಿನ್ ಅವರ ಸಂಗೀತ ಸಂಯೋಜನೆ
ಹಾಲೇಶ್ ಅವರ ಛಾಯಗ್ರಹಣ ಈ ಚಿತ್ರಕ್ಕಿರಲಿದ್ದು, ಶೀರ್ಷಿಕೆ ಹಾಗೂ
ಇನ್ನಿತರ ಮಾಹಿತಿಗಳನ್ನು ಸದ್ಯದಲ್ಲೇ ತಿಳಿಸಲಿದ್ದಾರಂತೆ ಚಿತ್ರತಂಡದವರು.