‘ಉಡುಂಬಾ’ ಹಾಡುಗಳ ಬಿಡುಗಡೆ

‘ಉಡುಂಬಾ’ ಚಿತ್ರದ ಹಾಡುಗಳ‌ ಬಿಡುಗಡೆ ಕಾರ್ಯಕ್ರಮವೂ ಕಲಾವಿದರ ಸಂಘದ ಸಭಾಂಗಣದಲ್ಲಿ ಇತ್ತೀಚಿಗೆ ‌ನಡೆಯಿತು. ಈ ಕಾರ್ಯಕ್ರಮದಲ್ಲಿ ‘ಬಹದ್ದೂರ್ ಚೇತನ್, ‘ಅಲೆಮಾರಿ’ ಸಂತು, ನಟಿ ತೇಜಸ್ವಿನಿ ಹಾಗೂ ಚಿತ್ರತಂಡ ಭಾಗಿಯಾಗಿತ್ತು. ‘ಉಡುಂಬಾ’ ಚಿತ್ರವನ್ನು ಶಿವರಾಜ್ ನಿರ್ದೇಶನ ಮಾಡಿದ್ದು, ಇದು ಶಿವರಾಜ್ ಗೆ ಚೊಚ್ಚಲ ಚಿತ್ರವಾಗಿದೆ. ಚಿತ್ರದಲ್ಲಿ ನಾಯಕನಾಗಿ ‘ಗೂಳಿಹಟ್ಟಿ’ ‘ ‘ಹಾಲುತುಪ್ಪ’ ಚಿತ್ರದಲ್ಲಿ ನಟಿಸಿದ ಪವನ್ ಸೂರ್ಯ ಈ ಚಿತ್ರದಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ 6 ಪ್ಯಾಕ್ ಅಗತ್ಯವಿದ್ದ ಕಾರಣ 45 ದಿನಗಳಲ್ಲಿ ದೇಹವನ್ನು ದಂಡಿಸಿದ್ದು, ಇದರಲ್ಲಿ ಬೆಸ್ತರ ಹುಡುಗನಾಗಿ ಕಾಣಿಸಿಕೊಂಡಿದ್ದೇನೆ ಎಂದರು‌ ಪವನ್ ಸೂರ್ಯ.

ಈಗಾಗಲೇ ತುಳು, ತೆಲುಗು, ತಮಿಳು ಹಾಗೂ ಕನ್ನಡದ ‘ಹುಲಿರಾಯ’ ಚಿತ್ರದಲ್ಲಿ ನಟಿಸಿದ ಚಿರಶ್ರೀ ಅಂಚನ್ ಈ ಚಿತ್ರದಲ್ಲಿ ನಾಯಕನಟಿಯಾಗಿ ನರ್ಸಿಂಗ್ ವಿದ್ಯಾರ್ಥಿಯ ಪಾತ್ರ ಮಾಡಿದ್ದಾರೆ. ಚಿತ್ರದಲ್ಲಿ ನಾಯಕ ಯಾರ ತಂಟೆಗೂ ಹೋಗಲ್ಲ, ತನ್ನ ತಂಟೆಗೆ ಬಂದ್ರೆ ಬಿಡುವುದಿಲ್ಲ. ಹಠ ಹಿಡಿದ್ರೆ ನಾಯಕ ‘ಉಡುಂಬಾ’ ಎನ್ನುತ್ತಾರೆ ನಿರ್ದೇಶಕರು. ಕಡಲತೀರದ ಮೀನು ಮಾರುವ ಜನಾಂಗದ ಬದುಕು, ಅಲ್ಲಿ ನಡೆಯುವ ಘಟನೆ, ಜೊತೆಗೆ ಅಲ್ಲಿ ಪ್ರೀತಿ ಹುಟ್ಟಿಕೊಂಡಾಗ ಸನ್ನಿವೇಶಗಳು ತಿರುವು ಪಡೆದುಕೊಳ್ಳುತ್ತವೆ. ಉಡುಪಿ, ಮಲ್ಪೆ, ಮಂಗಳೂರು, ಗೋಕರ್ಣ, ಬೆಂಗಳೂರಿನ ಕಡೆಗಳಲ್ಲಿ ಚಿತ್ರೀಕರಣ ನಡೆದಿದೆ ಎಂದರು‌ ಶಿವರಾಜ್.

ಚಿತ್ರದಲ್ಲಿ ಬಿಗ್ಬಾಸ್ ಸಂಜನಾ ಐಟಂ ಸಾಂಗ್ ಗೆ ಹೆಜ್ಜೆ ಹಾಕಿದ್ದಾರೆ. ಹನುಮಂತ ರಾವ್ – ವೆಂಕಟ್ ರೆಡ್ಡಿ ಚಿತ್ರದ ನಿರ್ಮಾಪಕರು. ಚಿತ್ರದಲ್ಲಿ 6 ಹಾಡುಗಳಿದ್ದು ವಿನೀತ್ ರಾಜ್ ಮೆನನ್ ಸಂಗೀತ ನಿರ್ದೇಶನ ಮಾಡಿದ್ದಾರೆ. ಹಾಲೇಶ್ ಅವರ ಛಾಯಾಗ್ರಹಣವಿದೆ.