ಗುರುರಾಜ್ ಜಗ್ಗೇಶ್ ಅವರ “ವಿಷ್ಣು ಸರ್ಕಲ್” ಗೆ ಯು/ಎ ಸರ್ಟಿಫಿಕೇಟ್

ನವರಸ ನಾಯಕ ಜಗ್ಗೇಶ್ ಅವರ ಪುತ್ರ ಗುರುರಾಜ್ ಜಗ್ಗೇಶ್
ನಾಯಕನಾಗಿ ಕಾಣಿಸಿಕೊಂಡಿರುವ ವಿಷ್ಣು ಸರ್ಕಲ್ ಚಿತ್ರವು ಸೆನ್ಸಾರ್
ಮುಗಿಸಿದ್ದು ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ನೀಡಿದೆ. ತಿರುಪತಿ ಪಿಕ್ಚರ್
ಪ್ಯಾಲೇಸ್ ಬ್ಯಾನರ್ ಅಡಿಯಲ್ಲಿ ಆರ್.ಬಿ. ಅವರು ನಿರ್ಮಾಣ ಮಾಡಿರುವ
ಈ ಚಿತ್ರವನ್ನು ಕಥೆ ಚಿತ್ರಕಥೆ ಸಾಹಿತ್ಯ ಸಂಭಾಷಣೆ ಬರೆದು ನಿರ್ದೇಶನ
ಮಾಡಿದ್ದಾರೆ ಲಕ್ಷ್ಮೀ ದಿನೇಶ್ ಅವರು. ಇವರು ಈ ಹಿಂದೆ ಹಾಫ್‍
ಮೆಂಟಲ್’ ಎಂಬ ಚಿತ್ರವನ್ನು ನಿರ್ದೇಶನ ಮಾಡಿದ್ದರು. ಗುರುರಾಜ್
ಅವರಿಗೆ ಜೋಡಿಯಾಗಿ ಸಂಹಿತಾ ವಿನ್ಯಾ ಹಾಗೂ ದಿವ್ಯಾ ಗೌಡ ಅವರು
ಕಾಣಿಸಿಕೊಂಡಿದ್ದಾರೆ.

ಈ ಚಿತ್ರಕ್ಕೆ ಶ್ರೀವತ್ಸ ಅವರು ಸಂಗೀತ ಸಂಯೋಜನೆ ಮಾಡಿದ್ದಾರೆ. ದತ್ತಣ್ಣ, ವಿ.ಮನೋಹರ್ ಬಿರಾದರ್, ರಾಕ್‍ಲೈನ್ ಸುಧಾಕರ್, ಕಡ್ಡಿ ವಿಶ್ವ, ಪಟ್ರೆ ನಾಗರಾಜ್, ಯತಿರಾಜ, ಸೇರಿದಂತೆ ಬಹುದೊಡ್ಡ ತಾರಬಳಗ ಈ ಚಿತ್ರದಲ್ಲಿ ನಟಿಸಿದ್ದಾರೆ. ಇನ್ನುಳಿದಂತೆ ಪಿ.ಎಲ್.ರವಿ ಅವರ ಛಾಯಗ್ರಹಣ, ಮಾಸ್ ಮಾದ ಅವರ ಸಾಹಸ ಸಂಯೋಜನೆ ಹೈಟ್ ಮಂಜು ಅವರ ನೃತ್ಯ ನಿರ್ದೇಶನ ಈ ಚಿತ್ರಕ್ಕಿದೆ. ಟ್ರೈಲರ್ ಹಾಗೂ ಹಾಡುಗಳು ಮೇ ತಿಂಗಳಲ್ಲಿ ಬಿಡುಗಡೆಯಾಗಲಿವೆ.