ಶುಕ್ರವಾರದಿಂದ ಬಜಾರ್ ನಲ್ಲಿ ಲವ್ ಫೇಲಾದವರ ಸಂಭ್ರಮ ಈ ವಾರ ಸುನಿ ಬಜಾರ್ ನಿಮ್ಮುಂದೆ ಹಾಜಾರ್

ಸಿಂಪಲ್ ಸುನಿ ನಿರ್ದೇಶನದ ಧನ್ವೀರ್ ಗೌಡ, ಅದಿತಿ ಪ್ರಭುದೇವಾ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಬಜಾರ್ ಈ ವಾರ ರಾಜ್ಯದಾದ್ಯಂತ ಗ್ರ್ಯಾಂಡ್ ಆಗಿ ರಿಲೀಸ್ ಆಗ್ತಿದೆ.. ಟ್ರೈಲರ್ ಮತ್ತು ಹಾಡುಗಳಿಂದ ದೊಡ್ಡ ನಿರೀಕ್ಷೆ ಹುಟ್ಟಿಸಿರೋ ಈ ಸಿನಿಮಾ ಹಲವು ವಿಶೇಷತೆಗಳಿಂದ ಕನ್ನಡ ಸಿನಿಪ್ರಿಯರಲ್ಲಿ ವಿಶೇಷ ಭರವಸೆಯನ್ನ ಹುಟ್ಟಿಸಿದೆ.. ನಾಯಕನಿಗೆ ಇದು ಮೊದಲ ಸಿನಿಮಾ ಆದ್ರೂ, ಅಭಿನಯದಲ್ಲಿ ಮಾಗಿರೋ ಪ್ರತಿಭೆಯಂತೆ ಕಾಣ್ತಿದ್ದಾರೆ.. ಅದೇ ಕಾರಣಕ್ಕೆ ಈಗಾಗ್ಲೇ ಈ ಹುಡುಗನ ಬಗ್ಗೆ ಉದ್ಯಮದಲ್ಲಿ ಭರವಸೆಯ ಮಾತುಗಳು ಕೇಳಿ ಬರ್ತಿವೆ.. ಸುನಿ ನಿರ್ದೇಶನ ನಿರೂಪಣೆ ಸಂಭಾಷಣೆ, ಸಾಹಿತ್ಯ ಜೊತೆಗೆ ರವಿ ಬಸ್ರೂರು ಸಂಗೀತ ಸಂಯೋಜನೆ ಬಜಾರ್ ಗೆ ದೊಡ್ಡ ಪ್ಲಸ್ ಪಾಯಿಂಟ್ ಆಗಿದೆ..

ರಿಲೀಸ್ಗೆ ಮೊದ್ಲೇ ಲವ್ ಫೋಲ್ಯೂರ್ ಸಾಂಗ್ ಫೇಮಸ್
ಬಜಾರ್ ಚಿತ್ರದ ಲವ್ ಫೇಲ್ಯೂರ್ ಹಾಡಿನ ವಿಡಿಯೋ ವರ್ಶನ್ನ ಇತ್ತೀಚೆಗಷ್ಟೇ ರಿಲೀಸ್ ಮಾಡಿದ್ದು, ಈ ಹಾಡು ಸಖತ್ ವೈರಲ್ ಆಗಿದೆ.. ಹುಡುಗರನ್ನ ಹುಚ್ಚೆಬ್ಬಿಸ್ತಿದೆ.. ಅಂದ್ಹಾಗೆ ಥಿಯೇಟರ್ ನಲ್ಲಿ ಈ ಹಾಡು ಸಖತ್ ಮಜಾ ಕೊಡೋದು ಗ್ಯಾರೆಂಟಿ… ಅಂದ್ಹಾಗೆ ಇದೇ ಶುಕ್ರವಾರ ಅಂದ್ರೆ ಫೆಬ್ರುವರಿ 1ನೇ ತಾರೀಖು ಬಜಾರ್ ನ ಅಸಲಿ ಖದರ್ ಏನು ಅನ್ನೋದು ಗೊತ್ತಾಗಲಿದೆ..