ಸಿನಿಮಾರಂಗಕ್ಕೆ ಗುಡ್ ಬೈ ಹೇಳಿದ ಸ್ಯಾಂಡಲ್ವುಡ್ ನಟಿ

ದೇಶದ್ಯಾಂತ ತಲ್ಲಣ ಎಬ್ಬಿಸುತ್ತಿರುವ #ಮೀಟೂ‌ ಅಭಿಯಾನದಲ್ಲಿ ಅನೇಕ ಕಲಾವಿದರು ತಮಗಾದ ಲೈಂಗಿಕ ಕಿರುಕುಳದ ಬಗ್ಗೆ ಬಾಯಿ ಬಿಟ್ಟಿದ್ದಾರೆ. ಅದರಲ್ಲಿ ಸ್ಯಾಂಡಲ್ವುಡ್ ನಟಿ ಸಂಗೀತಾ ಭಟ್ ಕೂಡ ಒಬ್ಬರು.
ಹತ್ತನೇ ತರಗತಿಯಲ್ಲಿರುವಾಗಲೇ ತಂದೆಯನ್ನು ಕಳೆದುಕೊಂಡ ಸಂಗೀತಾ, ಹೊಟ್ಟೆ ಪಾಡಿಗಾಗಿ ಆಯ್ಕೆ ಮಾಡಿಕೊಂಡಿದ್ದು ಸಿನಿಮಾರಂಗ. ನಂತರ ಹತ್ತು‌ ವರ್ಷಗಳ ಕಾಲ ಕಿರುತೆರೆ, ಸಿನಿಮಾ, ರಿಯಾಲಿಟಿ ಶೋ ಗಳಲ್ಲಿ ಕಾಣಿಸಿಕೊಂಡರು ಹೇಳಿಕೊಳ್ಳುವಂತಹ‌ ಅವಕಾಶಗಳು ಬರಲಿಲ್ಲ. ಅದ್ರೆ ಸಂಗೀತ ಭಟ್ ತನ್ನ ನಟನೆಯಿಂದ ಜನ ಗುರುತಿಸುವ ಮಟ್ಟಕ್ಕೆ ಬೆಳೆದರೂ ಕೂಡ, ತನ್ನ ಸಿನಿ‌ ಪಯಣ ದಲ್ಲಿ ಅನುಭವಿಸಿದು ಕಹಿ‌ ಅನುಭವಗಳನ್ನು, ಯಾವುದೇ ಆಮಿಷ ಗಳಿಗೆ ಒಳಗಾಗದೆ ತನ್ನ ಪ್ರತಿಭೆಯನ್ನು ನಂಬಿಕೊಂಡು ಕೂತಿದ್ದರಿಂದ ಯಾವುದೇ ಅವಕಾಶಗಳು ಬರಲಿಲ್ಲ. ಎಂದು ತಮ್ಮ ನೋವನ್ನು ಸಾಮಾಜಿಕ ಜಾಲತಾಣದ ಮೂಲಕ ಹಂಚಿಕೊಂಡಿದ್ದಾರೆ. ಇತ್ತೀಚಿಗೆ ಬಾಲಿವುಡ್ ನ ತನುಶ್ರೀ ದತ್ತ ತಮಗಾದ ಲೈಂಗಿಕ ಕಿರುಕುಳದ ಬಗ್ಗೆ ಹೇಳಿಕೊಂಡದಾಗಿನಿಂದ ಈ # ಮೀಟೂ ಅಭಿಯಾನ ಶುರುವಾಗಿದೆ. ಇದೀಗ ಸ್ಯಾಂಡಲ್ವುಡ್ ನಟಿ‌ ಸಂಗೀತಾ ಭಟ್ ಧ್ವನಿ‌ ಎತ್ತಿದ್ದು, ಲೈಂಗಿಕ ಕಿರುಕುಳಕ್ಕೆ ಬೇಸತ್ತು ಚಿತ್ರರಂಗದಿಂದ ಹೊರ ನಡೆಯುತ್ತಿದ್ದೇನೆ ಎಂದು‌ ಹೇಳಿಕೊಂಡಿದ್ದಾರೆ.

ಸಿನಿಮಾದಲ್ಲಿ ಬೆಳೆಯಬೇಕು, ಹೆಸರು ಮಾಡಬೇಕೆಂದು ತನಗೆ ಮದುವೆ ಆದ ವಿಷಯವನ್ನು ಗುಟ್ಟಾಗಿ‌ ಇಟ್ಟಿದರು. ಅದ್ರೆ ಇಷ್ಟು ವರ್ಷ ಚಿತ್ರಂಗದಲ್ಲಿ ಕಷ್ಟಪಟ್ಟು ಈಗ ಸಿನಿಮಾರಂಗದಿಂದ ದೂರ ಸರಿಯುವ ವಿಚಾರ ಎಷ್ಟರ ಮಟ್ಟಿಗೆ ಸರಿಯೋ ತಪ್ಪೋ ಗೊತ್ತಿಲ್ಲ. ನಮ್ಮ ಪ್ರತಿಭೆಗೆ ಬೆಲೆ ಇಲ್ಲದೆ ಹೋದಾಗ ಈ ರೀತಿ ನಿರ್ಧಾರಗಳನ್ನು ತೆಗೆದುಕೊಳ್ಳುವುದು ಸಹಜ. ಅದ್ರೆ ಇಂತಹಾ ಪ್ರತಿಭಾವಂತ ನಟಿಯರನ್ನು ಚಿತ್ರರಂಗ ಉಳಿಸಿಕೊಳ್ಳುವ ಪ್ರಯತ್ನ ಮಾಡಬೇಕಿದೆ. ಅವರಿಗಾದ ಅನ್ಯಾಯಕ್ಕೆ ನ್ಯಾಯ ಸಿಗುವಂತಾಗಬೇಕು. ಅವರು ಇನ್ನು ಮುಂದೆಯೂ ಸಿನಿಮಾದಲ್ಲಿ ನಟಿಸುವಂತಾಗಬೇಕೆಂಬುದೇ ಎಲ್ಲರ ಆಶಯ.