COVID 19 ಸಾಂಕ್ರಾಮಿಕ ರೋಗದಿಂದಾಗಿ ಸರಿಗಮಪ ಪ್ರದರ್ಶನದಲ್ಲಿ ಪ್ರಮುಖ ಬದಲಾವಣೆ; ಪ್ರೇಕ್ಷಕರಿಲ್ಲದೆ ಚಿತ್ರೀಕರಣ ಪ್ರಾರಂಭ
ಹಾಡುವ ರಿಯಾಲಿಟಿ ಶೋಗಳಲ್ಲಿ ಒಂದಾದ ಸರಿಗಮಪ COVID-19 ಸಾಂಕ್ರಾಮಿಕದ ಮಧ್ಯೆ ತಯಾರಕರು ಚಿತ್ರೀಕರಣವನ್ನು ಪುನರಾರಂಭಿಸಿದ್ದಾರೆ. ಆದರೆ, ರಿಯಾಲಿಟಿ ಶೋ ಇತಿಹಾಸದಲ್ಲಿ ಇದೆ ಮೊದಲ ಬಾರಿಗೆ ಪ್ರೇಕ್ಷಕರು ಇರುವುದಿಲ್ಲ.
ಈ ತಂಡವು ಕೇವಲ 50 ಸಿಬ್ಬಂದಿಗಳೊಂದಿಗೆ ಸರ್ಕಾರದ ಹೊಸ ಶೂಟಿಂಗ್ ಮಾರ್ಗಸೂಚಿಗಳ ಪ್ರಕಾರ ಚಿತ್ರೀಕರಣ ನಡೆಸುತ್ತಿದೆ. ಇತರ ನಗರಗಳ ಎಲ್ಲಾ ಸ್ಪರ್ಧಿಗಳಿಗೆ ಬೆಂಗಳೂರಿನಲ್ಲಿ ವಸತಿ ಒದಗಿಸಲಾಗಿದೆ ಮತ್ತು 14 ದಿನಗಳ ಕ್ವಾರಂಟೈನ್ ಕಡ್ಡಾಯವಾಗಿ ಪೂರ್ಣಗೊಳಿಸಿದ ನಂತರ ಕಾರ್ಯಕ್ರಮದ ಚಿತ್ರೀಕರಣವನ್ನು ಪುನರಾರಂಭಿಸಿದ್ದಾರೆ ಎಂದು ವರದಿಯಾಗಿದೆ.
ಹಂಸಲೇಖ , ವಿಜಯ್ ಪ್ರಕಾಶ್, ರಾಜೇಶ್ ಕೃಷ್ಣನ್, ಅರ್ಜುನ್ ಜನ್ಯಾ ಮತ್ತು ನಿರೂಪಕಿ ಅನುಶ್ರೀ ಕೂಡ ಚಿತ್ರೀಕರಣದ ಮೊದಲು ಸೆಟ್‌ಗಳಲ್ಲಿ ಥರ್ಮಲ್ ಸ್ಕ್ರೀನಿಂಗ್ ಮೂಲಕ ಹೋಗಿದ್ದಾರೆ. ಕನ್ನಡ ನಟಿ ಮತ್ತು ಟಿವಿ ನಿರೂಪಕಿ ಅನುಶ್ರೀ ಇತ್ತೀಚೆಗೆ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ‘ಸರಿಗಮಪ -17’ ಚಿತ್ರೀಕರಣದ ಬಗ್ಗೆ ಪ್ರಸ್ತಾಪಿಸಿದ್ದಾರೆ.
“ಸರಿಗಮಪ ಸೀಸನ್ 17 ಶೀಘ್ರದಲ್ಲೇ ಬರಲಿದೆ” ಎಂದು ಅವರು ಬರೆದಿದ್ದಾರೆ. ವೀಕ್ಷಕರು ಬಹಳ ಉತ್ಸುಕರಾಗಿದ್ದಾರೆ ಮತ್ತು ತಿಂಗಳುಗಳ ಲಾಕ್‌ಡೌನ್ ನಂತರ, ಅವರು ಹೊಸ ಕಂತುಗಳು ಮತ್ತು ಪ್ರದರ್ಶನಗಳನ್ನು ಸಣ್ಣ ಪರದೆಯಲ್ಲಿ ನೋಡುವಂತಾಗಿದೆ . ಸಾಕಷ್ಟು ಟಿವಿ ಕಾರ್ಯಕ್ರಮಗಳು ಸರ್ಕಾರದಿಂದ ಅನುಮತಿ ಪಡೆದ ನಂತರ ಶೂಟಿಂಗ್ ಪ್ರಾರಂಭಿಸಿದ್ದಾರೆ .
ಚಾನೆಲ್‌ನ ಮುಖ್ಯಸ್ಥ ರಾಘವೇಂದ್ರ ಹುನ್ಸೂರ್ ಮಾತನಾಡಿ “ಸೆಟ್ನಲ್ಲಿರುವ ಎಲ್ಲವೂ ಮೊದಲಿನಂತೆಯೇ ಇದ್ದರೂ, ಈ ಸಮಯದಲ್ಲಿ, ಕಾರ್ಯಕ್ರಮ ವೀಕ್ಷಿಸಲು ಮತ್ತು ಸ್ಪರ್ಧಿಗಳನ್ನು ಹುರಿದುಂಬಿಸಲು ಯಾವುದೇ ಪ್ರೇಕ್ಷಕರು ಇರುವುದಿಲ್ಲ. ಇದು ಇತಿಹಾಸದಲ್ಲೆ ಮೊದಲು , ಆದರೆ ಸಮಯ ನಾವು ಈ ನಿರ್ಧಾರವನ್ನು ತೆಗೆದುಕೊಳ್ಳುವಂತೆ ಮಾಡಿದೆ. ” ಎಂದು ಹೇಳಿದ್ದಾರೆ.
