ಸಂಭ್ರಮದಿಂದ 25ನೇ ದಿನದತ್ತ ಸಾಗುತ್ತಿದೆ “ರಗಡ್”
ಸ್ಯಾಂಡಲ್ ವುಡ್ ಮರಿ ಟೈಗರ್ ವಿನೋದ್ ಪ್ರಭಾಕರ್ ನಾಯಕನಾಗಿ
ನಟಿಸಿರುವ ರಗಡ್ ಚಿತ್ರವು ಪ್ರೇಕ್ಷಕರ ಮನಗೆದ್ದು 25ನೇ ದಿನದತ್ತ
ರಾಜ್ಯಾದ್ಯಂತ ಯಶಸ್ವಿಯಾಗಿ ಸಾಗುತ್ತಿದೆ.ಕೇವಲ ಆಕ್ಸನ್ ಚಿತ್ರಗಳಿಗೆ
ಸೀಮಿತವಾಗಿದ್ದ ವಿನೋದ್ ಪ್ರಭಾಕರ್ ಇದೇ ಮೊದಲಬಾರಿಗೆ
ನೈಜ ಪ್ರೇಮಕಥೆಯಲ್ಲಿ ಲವರ್ ಬಾಯ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು
ಪ್ರೇಕ್ಷಕರನ್ನು ಮೆಚ್ಚಿಸುವಲ್ಲಿ ಯಶಸ್ಸು ಕಂಡಿದ್ದಾರೆ. ಈ ಚಿತ್ರವನ್ನು
ಮಹೇಶ್ ಗೌಡ ಅವರು ಕಥೆ ಚಿತ್ರಕಥೆ ಸಂಭಾಷಣೆ ಸಾಹಿತ್ಯ ಬರೆದು
ನಿರ್ದೇಶನ ಮಾಡಿದ್ದಾರೆ. ವಿನೋದ್ ಅಭಿಮಾನಿಗಳಿಗಾಗಿ ಮೈನವಿರೇಳಿಸುವ ಸಾಹಸ ದೃಶ್ಯಗಳು ಸಹ ಚಿತ್ರದಲ್ಲಿವೆ. ಇನ್ನು ಚಿತ್ರಕ್ಕೆ ಅಭಿಮನ್‍ರಾಯ್ ಅವರು ಸಂಗೀತ ಸಂಯೋಜನೆ ಮಾಡಿದ್ದು ಮೆಲೋಡಿ ಹಾಡುಗಳನ್ನು ಸಹ ಕೇಳುಗರು ಮೆಚ್ಚಿಕೊಂಡಿದ್ದಾರೆ. ಅಮ್ಮ ಸಿನಿ ಕ್ರಿಯೇಷನ್ಸ್ ಬ್ಯಾನರ್ ಅಡಿಯಲ್ಲಿ ಅರುಣ್ ಕುಮಾರ್ ಅವರು ನಿರ್ಮಾಣ ಮಾಡಿದ್ದಾರೆ.
