ಎರಡನೇ ದಿನವೂ ಪ್ರಭಾಸ್ ನಟನೆಯ ಕಲ್ಕಿ 2898AD ಕಮಾಲ್ – ಎರಡೇ ದಿನದಲ್ಲಿ ಚಿತ್ರ ಗಳಿಸಿದ್ದೆಷ್ಟು ಗೊತ್ತಾ?

ಜೂನ್ 27 ರಂದು ಜಗತ್ತಿನಾದ್ಯಂತ ಪರದೆಯ ಮೇಲೆ ಕಾಣಿಸಿಕೊಂಡ ಪ್ರಭಾಸ್ ಹಾಗೂ ಇತರ ದಿಗ್ಗಜ ನಟನಟಿಯರ ಬಣವನ್ನೇ ಹೊಂದಿರುವ ಹೈರೇಟೆಡ್ ಮೂವೀ ಕಲ್ಕಿ 2898 AD, ಎರಡನೇ ದಿನವೂ ಬಾಕ್ಸಾಫೀಸ್ ಕೊಳ್ಳೆ ಹೊಡೆದಿದೆ.

ರಿಲೀಸ್ ಆದ ಎರಡೇ ದಿನಕ್ಕೆ 250 ಕೋಟಿ ಬಾಚಿಕೊಂಡಿರುವ ಈ ಚಿತ್ರ ಬಿಡುಗಡೆಯಾದ ಮೊದಲ ವಾರವೇ 450 ಕೋಟಿ ಗಡಿ ದಾಟಿ ದಾಖಲೆ ನಿರ್ಮಿಸುವ ಎಲ್ಲಾ ಲಕ್ಷಣ ಕಾಣುತ್ತಿದ್ದು, ಮೊದಲ ದಿನಕ್ಕೆ ಗಮನಿಸಿದರೆ ಎರಡನೇ ದಿನದ ಕಲೆಕ್ಷನ್ ತುಸು ಕಡಿಮೆಯೇ ಎನ್ನಬಹುದಾಗಿದೆ.

ಎರಡನೇ ದಿನ ಭಾರತೀಯ ಗಲ್ಲಾಪೆಟ್ಟಿಗೆಯಲ್ಲಿ 65 ಕೋಟಿ ಕೊಳ್ಳೆ ಹೊಡೆದ ಚಿತ್ರ, ಬಿಡುಗಡೆಯ ನಾಲ್ಕು ದಿನ ಫ್ರೇಮ್’ನಲ್ಲಿ 325 ಕೋಟಿ ಬಾಚಲಿದೆ ಎಂದು ಅಂದಾಜಿಸಲಾಗಿದೆ. ದಿಗ್ಗಜ ನಟನಟಿಯರೇ ಚಿತ್ರವನ್ನು ಮೆಚ್ಚಿ ಟ್ವೀಟ್ ಮಾಡುತ್ತಿದ್ದು, ಭಾರತೀಯ ಚಿತ್ರರಂಗದಲ್ಲಿ ಹೊಸ ದಾಖಲೆ ನಿರ್ಮಿಸಲು ಕಲ್ಕಿ ಸಜ್ಜಾಗಿದೆ.

ಉತ್ತರ ಭಾರತದಲ್ಲಿ ಕಮಾಲ್ ಮಾಡುತ್ತಿರುವ ಪ್ರಭಾಸ್ ನಟನೆಯ ಈ ಚಿತ್ರ, ದಕ್ಷಿಣ ಭಾರತದಲ್ಲೇ ಎರಡನೇ ದಿನ ಡಲ್ ಹೊಡೆದಿದೆ. ಕೇರಳ ಹೊರತುಪಡಿಸಿ, ಆಂಧ್ರ, ತೆಲಂಗಾಣ ಮತ್ತು ಕರ್ನಾಟಕದಲ್ಲಿ ಪತನ ಕಂಡಿರುವ ಚಿತ್ರ, ಮೂರನೇ ದಿನ ಹೇಗೆ ಪ್ರದರ್ಶನ ಕಾಣಲಿದೆ ಎನ್ನುವುದನ್ನು ಕಾದುನೋಡಬೇಕಿದೆ.

ನೀವೂ ಈ ಚಿತ್ರವನ್ನು ಥಿಯೇಟರ್‌ನಲ್ಲಿ ವೀಕ್ಷಿಸಿ, ಅತ್ಯುತ್ತಮ ಚಿತ್ರಗಳನ್ನು ಪ್ರೋತ್ಸಾಹಿಸಿ ಹಾಗೂ ಚಲನಚಿತ್ರಗಳ ಕುರಿತ ಹೆಚ್ಚಿನ ಮಾಹಿತಿಗಾಗಿ http://flixoye.com ನ್ನು ಫಾಲೋ ಮಾಡಿ.