ಕಿಕ್ಕು ಕೊಡುತ್ತೆ ‘ನಿನ್ನ ಸನಿಹಕೆ’ ಟೈಟಲ್ ಟ್ರ್ಯಾಕು…

ಸೂರಜ್ ಗೌಡ ನಿರ್ದೇಶನ‌ ಮಾಡಿ,‌ ನಾಯಕ ನಟನಾಗಿ ಅಭಿನಯಿಸ್ತಿರೋ ನಿನ್ನ ಸನಿಹಕೆ ಸಿನಿಮಾದ ಮತ್ತೊಂದು ಮೆಲೋಡಿ ಟ್ರ್ಯಾಕ್ ಸದ್ದು ಮಾಡ್ತಿದೆ. ಈಗಾಗ್ಲೇ ರಘು ದೀಕ್ಷಿತ್ ಕಂಪೋಸ್ ಮಾಡಿ, ಹಾಡಿರೋ‌ ಮಳೆ ಮಳೆ ಸಾಂಗ್ ಪ್ರೇಮಿಗಳ ಹೃದಯ ಕದ್ದಿದ್ದು, ಸದ್ಯ ರಿಲೀಸ್ ಆಗಿರೋ ಮತ್ತೊಂದು ಸಾಂಗ್ ಗೆ ಭಾರೀ‌ ಮೆಚ್ಚುಗೆ ವ್ಯಕ್ತವಾಗ್ತಿದೆ. ಬ್ಯೂಟಿಫುಲ್‌ ಮೆಲೋಡಿ ಸಾಂಗ್ ರಿಲೀಸ್ ಆಗಿದ್ದು, ನಿಂತಲ್ಲಿ ಕುಂತಲ್ಲಿ ಗುನು-ಗುನುಗುವಂತೆ ಮಾಡಿದೆ..

ಹೃದಯದ ಪರಿಪಾಡು ಹೀಗೇಕೆ ಅಂತಾ ಶುರುವಾಗುವ ಹಾಡು ಯುವಕರ ನಿದ್ದೆಗೆಡಿಸುತ್ತಿದೆ. ಸಂಚಿತ್ ಹಾಗೂ ಶೃತಿ ವಾಯ್ಸ್.. ವಾಸುಕಿ‌ ಲಿರಿಕ್ಸ್…ರಘು ದೀಕ್ಷಿತ್ ಕಂಪೋಸಿಷನ್ ಇರೋ ಈ ಹಾಡು ಯೂಟ್ಯೂಬ್ ನಲ್ಲಿ ಸಖತ್ ರೆಸ್ಪಾನ್ಸ್ ಪಡೆದುಕೊಳ್ತಿದೆ.

ಸಾಕಷ್ಟು ಮ್ಯೂಸಿಕಲ್ ಹಿಟ್ ಕೊಟ್ಟಿರೋ ರಘು ಭತ್ತಳಿಕೆಗೆ ಈ ಹಾಡು ಸೇರೋದು ಪಕ್ಕಾ ಎನ್ನಲಾಗ್ತಿದೆ.

ಅಕ್ಷಯ ರಾಜಶೇಖರ್ ಮತ್ತು ರಂಗನಾಥ್ ಬಂಡವಾಳ ಹೂಡಿರೋ ನಿನ್ನ ಸನಿಹಕೆ ಸಿನಿಮಾದಲ್ಲಿ ಸೂರಜ್ ಗೌಡಗೆ ಜೊತೆಯಾಗಿ ದೊಡ್ಮನೆ ಕುಡಿ ಧನ್ಯ ರಾಮ್ ಕುಮಾರ್ ನಟಿಸ್ತಿದ್ದಾರೆ. ಈಗಾಗ್ಲೇ ಶೂಟಿಂಗ್ ಮುಗಿಸಿರೋ ಚಿತ್ರತಂಡ ಪೋಸ್ಟ್ ಪ್ರೊಡಕ್ಷನ್ ನಲ್ಲಿ ಬ್ಯುಸಿ ಇದ್ದು, ಏಪ್ರಿಲ್ ಕೊನೆ ವಾರದಲ್ಲಿ ತೆರೆಗೆ ಬರಲು ರೆಡಿಯಾಗ್ತಿದೆ.