Love Mocktail 2 : ಮತ್ತೊಮ್ಮೆ ಮನಸು ಸೆಳೆಯುವ ಲವ್​ ಮಾಕ್ಟೇಲ್​ 2

Love Mocktail 2 : ಮತ್ತೊಮ್ಮೆ ಮನಸು ಸೆಳೆಯುವ ಲವ್​ ಮಾಕ್ಟೇಲ್​ 2

ಡಾರ್ಲಿಂಗ್ ಕೃಷ್ಣ! ಕೃಷ್ಣ ರುಕ್ಮಿಣಿ ಧಾರಾವಾಹಿಯಿಂದ ಲವ್​ ಮಾಕ್ಟೇಲ್​ 2 ತನಕ ನಿಮ್ಮ ಪಯಣದ ಅಪಾರ ಅನುಭವಕ್ಕೊಂದು ಸಲಾಂ!

ಕಳೆದ ಲಾಕ್ ಡೌನ್ ನಲ್ಲಿ ಒಟಿಟಿ ಮೂಲಕ ರಿಲೀಸ್ ಆಗಿ ಅಪಾರ ಜನಮೆಚ್ಚುಗೆ ಗಳಿಸಿದ್ದ ಕೃಷ್ಣ ಮಿಲನಾ ಜೋಡಿಯ ಲವ್ ಮಾಕ್ಟೈಲ್ ಈ ಲವ್ ಜೋಡಿಗಳಿಗೆ ಅಪಾರ ಜನಮನ್ನಣೆ ನೀಡಿದ ಚಿತ್ರ. ಅದೇ ಪ್ರೀತಿ, ಅದೇ ಭಾವವನ್ನು ಮತ್ತೆ ಜನತೆಯಿಂದ ಗಳಿಸಿದ್ದಾರೆ ಆದಿ-ನಿಧಿಮಾ!

ಲಲವ್ ಮಾಕ್ಟೈಲ್ ಮೊದಲ ಚಿತ್ರದ ಯಶಸ್ಸಿನ ನಂತರ ರಾತ್ರಿ ಹಗಲು ಕುಳಿತು ನಿದ್ದೆಗೆಟ್ಟು ಬರೆದು, ಚಿತ್ರರೂಪಕ್ಕಿಳಿಸಿ ಹೊಸ ಅನುಭವ ನೀಡಿದ ನಿಮ್ಮ ನಿದೇಶನ, ಸಮರ್ಪಣೆಗೊಂದು ಹ್ಯಾಟ್ಸಾಫ್!

ಇನ್ನು ಚಿತ್ರ ರಿವ್ಯೂಗೆ ಬರೋಣ! ಕಥೆಯ ವಿಚಾರಕ್ಕೆ ಬಂದರೆ ಮೊದಲ ಭಾಗದ ಪಾತ್ರಗಳು ಎರಡನೇ ಭಾಗದಲ್ಲೂ ನಿರೀಕ್ಷೆಯಂತೆಯೇ ಸಿಕ್ಕರೂ ಫೀಲ್ ಸಂಪೂರ್ಣ ಬೇರೆಯೇ. ಒಬ್ಬ ಸಿನಿಮಾ ಪ್ರೇಕ್ಷಕನಿಗೆ ವಿಮರ್ಶೆ ಬರೆಯಲೂ ಪ್ರೇರೇಪಿಸುವ, ಬರೆಯಲೂ ಕೂತರೂ ಸುಮಧುರ ಭಾವ ನೀಡುವ ಸುಂದರ ಕಥಾನಕ ಇದಾಗಿದೆ.

ಈ ಚಿತ್ರದಲ್ಲಿ ನೀವು ನಿರೀಕ್ಷಿಸದೇ ಸಿಗುವ ಹೊಸ ಅನುಭವ ಅದ್ಭುತ ಡೈಲಾಗ್ ಗಳ ಮೂಲಕ ಹಾಸ್ಯದ ಟಚ್. ಯಾವುದೇ ಚಿರಪರಿಚಿತ ನಟನಾ ತಂಡ ಹೊಂದಿರದ, ಹೊಸ ಮುಖಗಳನ್ನೇ ಪರಿಚಯಿಸಿ ಚಿತ್ರ ಎಂದರೆ ಹೀಗಿರಬೇಕು ಎನ್ನುವ ಫೀಲ್ ನೀಡುವ ಚಿತ್ರವನ್ನು ಡಾರ್ಲಿಂಗ್ ಕೃಷ್ಣ ನೀಡಿದ್ದಾರೆ.

BILLU BAANA Kannada Short Movie Starring Pattabhi, Bazzar Bala

ಇನ್ನು ನಿಧಿಮಾ ಮೊದಲ ಭಾಗದಲ್ಲೇ ಅಂತ್ಯವಾ? ಎರಡನೇ ಭಾಗದಲ್ಲಿ ನಿಧಿಮಾ ಕಾಣುವ ಭಾಗ್ಯ ಇಲ್ಲವಾ ಎಂದವರಿಗೆ ಶುಭಸುದ್ದಿ. ಎರಡನೇ ಭಾಗದಲ್ಲೂ ನಿಧಿಮಾ ಪಾತ್ರ ನಿಮ್ಮನ್ನು ಅಪಾರವಾಗಿ ಸೆಳೆದುಬಿಡುತ್ತದೆ.

ಇನ್ನು ಆದಿ ಗೆಳೆಯರಾದ ಸುಷ್ಮಾ-ವಿಜಯ್ ಈ ಭಾಗದಲ್ಲಿ ಬಹಳ ಪಾತ್ರವನ್ನು ಪಡೆದಿದ್ದಾರೆ. ಅದಲ್ಲದೆ ಹೊಸ ಪರಿಚಯದ ನಟಿ ರೇಚಲ್ ಡೇವಿಡ್ ಪಾತ್ರ ನಿರ್ವಹಣೆಯಂತೂ ಅಮೋಘ. ಅದಲ್ಲದೆ ನಕುಲ್ ಅಭ್ಯಂಕರ್ ಸಂಗೀತವಂತೂ ಹೊಸ ಲೆವೆಲ್ ಗೆ ಕೊಂಡುಹೋಗುತ್ತದೆ. ಕ್ರೇಜಿ ಮೈಂಡ್ಸ್ ಛಾಯಾಗ್ರಹಣವಂತೂ ಅದ್ಭುತ. ಅಲ್ಲಲ್ಲಿ ದೃಶ್ಯಗಳು ಉದ್ದ ಅನ್ನಿಸಿದರೂ ಬೋರ್ ಅನ್ನಿಸುವುದಿಲ್ಲ ಅನ್ನೋದು ವಿಶೇಷ!

ಪಾತ್ರ, ನಿರ್ದೇಶನ, ಚಿತ್ರಕಥೆ, ಸಂಗೀತ, ಸೀಕ್ವೆಲ್, ಕಾಮಿಡಿ, ಲೊಕೇಷನ್ಸ್ ಈ ಎಲ್ಲ ವಿಭಾಗದಲ್ಲೂ ಫುಲ್ ಸ್ಕೋರ್ ಪಡೆದಿರುವ ಈ ಲವ್ ಮಾಕ್ಟೈಲ್-2 ಅನ್ನು ನೀವು ಥಿಯೇಟರ್ ನಲ್ಲಿ ನೋಡಲೇಬೇಕು! ನಿಮ್ಮ ಮನೋರಂಜನೆಗಂತೂ ಖಂಡಿತಾ ಲೋಪವಿಲ್ಲ.

ಕನ್ನಡದಲ್ಲಿ ಇಂತಹ ಸುಂದರ ಚಿತ್ರಗಳನ್ನು ನೋಡುವ ಸೊಗಸಿಗೂ ಕೃಷ್ಣ ಒಂದು ಹೊಸ ಟಚ್ ನೀಡಿದ್ದಾರೆ ಎಂದರೂ ತಪ್ಪಾಗಲಾರದು. ಚಿತ್ರ ಸಂಪೂರ್ಣ ಯಶಸ್ವಿಯಾಗಲಿ ಎಂದು ಹಾರೈಸೋಣ.