ಮೆಚ್ಚುಗೆ ಪಡೆದ ಕೃತಿಕಾ ರವೀಂದ್ರ ಅಭಿನಯದ “ಒಲವೇ” ಆಲ್ಬಮ್‌ ‌ಸಾಂಗ್

Published on

January 6, 2021 692 Views

Usha Udupi

ಕಿರುತೆರೆಯ ಮೂಲಕ ಖ್ಯಾತಿ ಪಡೆದಿರುವ ಕೃತಿಕಾ ರವೀಂದ್ರ ನಂತರ ಸಿನಿಮಾದಲ್ಲೂ‌ ನಾಯಕನಟಿಯಾಗಿ‌ ಗುರುತಿಸಿಕೊಂಡಿದ್ದರು. ಈಗಲೂ ‌ಒಂದಷ್ಟು ಸಿನಿಮಾದಲ್ಲಿ ಬಿಜಿಯಾಗಿರುವ ಕೃತಿಕಾ ರವೀಂದ್ರ 2021 ರ ಹೊಸ ವರ್ಷಕ್ಕೆ ಸುಕೃಶಿ ಕ್ರಿಯೇಷನ್ಸ್ ಸಂಸ್ಥೆ ವಿನೂತನ ರೊಮ್ಯಾಂಟಿಕ್-ಲವ್ ಮ್ಯೂಸಿಕ್ ಆಲ್ಬಮ್‌ ಸಾಂಗ್ ನ್ನು ಹೊರತಂದಿದ್ದಾರೆ.

‘ಒಲವೇ’ ಎಂಬ ಶೀರ್ಷಿಕೆ ಯಿರುವ ಈ ಹಾಡಿನಲ್ಲಿ ಕೃತಿಕಾ ರವೀಂದ್ರ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ವರುಣ್ ಹೆಗಡೆ ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಯುವ ನಿರ್ದೇಶಕಿ ಎಂ.ಎಸ್.ಶಿವಾನಿ ನಿರ್ದೇಶನ ಮಾಡಿದ್ದಾರೆ. ಸಾಹಿತ್ಯ, ಸಂಗೀತ ಗಾಯಕ ಡಾ. ಸುಚೇತನ್ ನೀಡಿದ್ದಾರೆ. ಆನಂದ್‌ ಆಡಿಯೋ ಕಂಪೆನಿ ಈ‌ ಗೀತೆಯನ್ನು ಹೊರತಂದಿದ್ದು, ಉತ್ತಮ ಮೆಚ್ಚುಗೆಯನ್ನು ಪಡೆದಿದೆ. ಕಾರ್ತಿಕ್ ಹಾಗೂ ನವೀನ್ ಛಾಯಾಗ್ರಹಣ ಮಾಡಿದ್ದಾರೆ. ಸಂಕಲನಕಾರ ಶ್ರೀಕಾಂತ್ ಈ ಹಾಡಿನ ವಿಡಿಯೋ ಎಡಿಟ್ ಮಾಡಿದ್ದಾರೆ. ಬೆಂಗಳೂರಿನ ಸುತ್ತಮುತ್ತ ಈ ಹಾಡಿನ ಚಿತ್ರೀಕರಣ ‌ನಡೆದಿದೆ.