ಕೇವಲ ಮೋಷನ್ ಪೋಸ್ಟರ್ ಮೂಲಕವೇ ದೊಡ್ಡ ಕ್ರೇಜ಼್ ಹುಟ್ಟಿಸಿದ ‘ಕೆಂಡ’- ಟೀಸರ್ ಇಲ್ಲಿದೆ ನೋಡಿ

ಕೇವಲ ಒಂದೇ ಮೋಷನ್ ಪೋಸ್ಟರ್ ಬಿಡುಗಡೆಯಿಂದಲೇ, ಈ ಕನ್ನಡದ ಹೊಸಬರ ಸಿನಿಮಾ ಸಿನಿರಸಿಕರಲ್ಲಿ ಬಹುದೊಡ್ಡ ಕ್ರೇಜ಼್ ಹುಟ್ಟಿಸಿದೆ.



ರಂಗಭೂಮಿಯ ಪ್ರತಿಭೆಗಳೇ ಒಟ್ಟಾಗಿ ಸೇರಿ ನಿರ್ಮಿಸಿ ನಿರ್ದೇಶಿಸುತ್ತಿರುವ ಕೆಂಡ ಎನ್ನುವ ಚಿತ್ರ, ಇದೀಗ ಟೀಸರ್‌ನ್ನು ಕೂಡ ಬಿಡುಗಡೆಗೊಳಿಸಿದ್ದು, ಇದೊಂದು ವಿಶಿಷ್ಟ-ವಿಶೇಷ ಚಿತ್ರ ಎನ್ನುವ ರೋಚಕತೆಯನ್ನು ಹುಟ್ಟಿಸಿದೆ.

ಒಬ್ಬ ಸಾಮಾನ್ಯ ಹುಡುಗ, ಸಮಾಜ ವ್ಯವಸ್ಥೆಗಳಡಿ ಸಿಕ್ಕು ಎದುರಿಸುವ ಸವಾಲುಗಳ ಕುರಿತು ಚಿತ್ರಣ ನೀಡುವ ಈ ಚಿತ್ರ ಈಗಾಗಲೇ ಟೀಸರ್ ಮೂಲಕ ಎಲ್ಲರಲ್ಲೂ ಬಹಳ ದೊಡ್ಡ ನಿರೀಕ್ಷೆ ಹುಟ್ಟಿಸಿದೆ.

ನಿರ್ಮಾಪಕರೂ, ಛಾಯಾಗ್ರಾಹಕರೂ ಆಗಿರುವ ಸಹದೇವ್ ಕೆಲವಡಿ, ಈ ಚಿತ್ರವನ್ನು ನಿರ್ದೇಶಿಸಿದ್ದು, ನಿರ್ದೇಶಕರಾಗಿದ್ದ ರೂಪಾ ರಾವ್ ನಿರ್ಮಾಪಕರಾಗಿದ್ದಾರೆ.

ಗೋಪಾಲ ದೇಶಪಾಂಡೆ, ಬಿ.ವಿ ಭರತ್, ಪ್ರಣವ್ ಶ್ರೀಧರ್, ವಿನೋದ್ ರವೀಂದ್ರನ್ ಮುಂತಾದ ಅದ್ಭುತ ನಟರನ್ನೇ ಒಳಗೊಂಡಿರುವ ಈ ಚಿತ್ರಕ್ಕೆ ಖ್ಯಾತ ಗೀತರಚನೆಕಾರರಾದ ಜಯಂತ್ ಕಾಯ್ಕಿಣಿ ಅವರ ಮಗ ರಿತ್ವಿಕ್ ಕಾಯ್ಕಿಣಿ ಅವರ ಸಂಗೀತ ನಿರ್ದೇಶನವಿದೆ. ಚಿತ್ರದ ಎರಡು ಹಾಡುಗಳಿಗೆ ಜಯಂತ್ ಕಾಯ್ಕಿಣಿ ಸಾಹಿತ್ಯವಿದೆ. ಆಸ್ಕರ್ ಪ್ರಶಸ್ತಿ ವಿಜೇತ ಎಲಿಫೆಂಟ್ ವಿಸ್ಪರ್ಸ್ ಚಿತ್ರದಲ್ಲಿದ್ದ ಶ್ರೇಯಾಂಕ್ ನಂಜಪ್ಪ ಅವರ ಶಬ್ದ ಸಂಯೋಜನೆ ಈ ಕೆಂಡ ಚಿತ್ರಕ್ಕಿದೆ.

ಟೀಸರ್ ಹಾಗೂ ಮೋಷನ್ ಪೋಸ್ಟರ್ ಮೂಲಕವೇ ದೊಡ್ಡ ಕ್ರೇಜ಼್ ಹುಟ್ಟಿಸಿರುವ ಕೆಂಡ ಚಿತ್ರ, ಕನ್ನಡ ಚಿತ್ರರಂಗದಲ್ಲಿ ಒಂದು ದೊಡ್ಡ ಹೆಸರು ಗಳಿಸುವುದಂತೂ ಖಂಡಿತ.

ಚಲನಚಿತ್ರಗಳ ಕುರಿತ ಹೆಚ್ಚಿನ ಮಾಹಿತಿಗಾಗಿ https://flixoye.com ನ್ನು ಫಾಲೋ ಮಾಡಿ.