‘ಕಾಡ’ನ ಅವತಾರದಲ್ಲಿ ಜೆ.ಕೆ

ಈಗಾಗಲೇ ಬಿಡುಗಡೆಯಾದ ‘ಕಾಡ’ ಚಿತ್ರದ ಪೋಸ್ಟರ್ ನಿಂದಲೇ ಇದೊಂದು ಕ್ರೈಂ ಥ್ರಿಲ್ಲರ್ ಸಿನಿಮಾ ಎಂಬುದು ಸ್ಪಷ್ಟವಾಗುತ್ತದೆ. ‘ಕಾಡ’ ಇದೊಂದು ಮಾನಸಿಕ ಕ್ಷೋಭೆಗೆ ಒಳಗಾದ ವ್ಯಕ್ತಿಯ ಬಗೆ ಹೆಣೆಯಲಾಗಿರುವ ಕಥೆಯಾಗಿದ್ದು, ಕಾಲ್ಪನಿಕ ಕಥೆಗೆ ನೈಜತೆಯನ್ನು ತುಂಬಿದ್ದಾರೆ. ಈ ಚಿತ್ರವನ್ನು ವಿಶ್ರುತ್ ನಾಯಕ್ ನಿರ್ದೇಶನ ಮಾಡುತ್ತಿದ್ದು, ಕಾಡನಾಗಿ ರಗಡ್ ಲುಕ್ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಜೆ.ಕೆ. ಈಗಾಗಲೇ ಚಿತ್ರದ ಮೊದಲ ಹಂತದ ಚಿತ್ರೀಕರಣ ಮುಗಿದಿದ್ದು, ಮುಂದಿನ ತಿಂಗಳ ಮೊದಲ ವಾರದಲ್ಲಿ ಎರಡನೇ ಹಂತದ ಚಿತ್ರೀಕರಣ ಆರಂಭವಾಗಲಿದೆ.

ಈ ಚಿತ್ರವನ್ನು‌ ದೆಹಲಿ ಮೂಲದ ನಿರ್ಮಾಣ ಸಂಸ್ಥೆ ಸ್ಪೆಂಡಿಡ್ ಪ್ರೊಡಕ್ಷನ್ ನಲ್ಲಿ ಈ ನಿರ್ಮಾಣವಾಗಲಿದೆ. ಇದು ಕನ್ನಡ ಮಾತ್ರವಲ್ಲದೇ ಹಿಂದಿ, ತಮಿಳು, ತೆಲುಗು ಭಾಷೆಗಳಲ್ಲೂ ಬಿಡುಗಡೆಯಾಗಲಿದೆ. ‘ನಿರ್ದೇಶಕರು ಕಥೆ ಹೇಳುವಾಗ ಜಗತ್ತಿನಲ್ಲಿ ಇಂತಹ ವ್ಯಕ್ತಿಗಳು ಇರುತ್ತಾರಾ ಎಂದು‌ ಒಂದು ಕ್ಷಣ ನಾನೇ ಅಚ್ಚರಿಪಟ್ಟೆ. ಕಥೆ ಇಂಟ್ರೆಸ್ಟಿಂಗ್ ಅನಿಸಿತು ಅದಕ್ಕಾಗಿ ಒಪ್ಪಿಕೊಂಡೆ’ ಎನ್ನುತ್ತಾರೆ ಜೆ.ಕೆ. ಈ‌ ಚಿತ್ರದಲ್ಲಿ ಜೆ.ಕೆ ಗೆ ನಾಯಕಿಯಾಗಿ ಕಾವ್ಯ ಶೆಟ್ಟಿ ಕಾಣಿಸಿಕೊಳ್ಳಲಿದ್ದಾರೆ. ಉಳಿದಂತೆ ತಾರಾಗಣದಲ್ಲಿ ಅಚ್ಯುತ್ ಕುಮಾರ್, ಉಗ್ರಂ ಮಂಜು ಮುಂತಾದವರು ಚಿತ್ರದಲ್ಲಿದ್ದಾರೆ.