ಮತ್ತೊಮ್ಮೆ “ಖಾಕಿ” ಧರಿಸಲಿರುವ ಚಿರಂಜೀವಿ ಸರ್ಜಾ

Published on

February 14, 2019 288 Views

Venkatesh Mantesh

ಚಿರಂಜೀವಿ ಸರ್ಜಾ ಅವರು ಖಾಕಿ ಹಾಕಿಕೊಂಡು ಖಡಕ್ ಪೋಲೀಸ್
ಆಫೀಸರ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ.‌ ರೋಸ್ ಮಾಸ್ ಲೀಡರ್ ಹಾಗೂ
ವಿಕ್ಟರಿ 2 ಚಿತ್ರಗಳನ್ನು ನಿರ್ಮಾಣ ಮಾಡಿದ್ದ ತರುಣ್ ಶಿವಪ್ಪ ಅವರು
ನಿರ್ಮಾಣ ಮಾಡುತ್ತಿರುವ “ಖಾಕಿ” ಚಿತ್ರದಲ್ಲಿ ಚಿರಂಜೀವಿ ಸರ್ಜಾ ಅವರು
ಖಾಕಿ ತೊಡುತ್ತಿದ್ದಾರೆ. ಈ ಹಿಂದೆ ದಂಡಂದಶಗುಣಂ ಚಿತ್ರದಲ್ಲಿ ಖಾಕಿ ತೊಟ್ಟು ಘರ್ಜಿಸಿದ್ದರು ಈಗ ಮತ್ತೆ ಖಾಕಿ ತೊಟ್ಟು ಘರ್ಜಿಸಲು ಬರುತ್ತಿದ್ದಾರೆ.

ಈ ಹಿಂದೆ ಹಲವು ಚಿತ್ರಗಳಲ್ಲಿ ಸಹನಿರ್ದೇಶಕರಾಗಿದ್ದ ನವೀನ್ ಅವರು
ಈ ಚಿತ್ರದ ಮೂಲಕ ಪೂರ್ಣ ಪ್ರಮಾಣದ ನಿರ್ದೇಶಕರಾಗಿದ್ದಾರೆ.
ಈ ಚಿತ್ರದ ಮಹೂರ್ತ ಇಂದು ನಗರದ ದೇವಸ್ಥಾನವೊಂದರಲ್ಲಿ ನೆರವೇರಿದೆ. ಸದ್ಯ ಸಿಂಗ ರಾಜಾಮಾರ್ತಾಂಡ ಚಿತ್ರಗಳಲ್ಲಿ ಬ್ಯುಸಿ ಇರುವ ಚಿರಂಜೀವಿ ಸರ್ಜಾ ಅವರು ಅವು ಮುಗಿಯುತ್ತಿದ್ದಂತೆ ಈ ಚಿತ್ರದ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳಲಿದ್ದಾರೆ.