ಚಿರಂಜೀವಿಯವರು ನನ್ನ ದೊಡ್ಡಣ್ಣನಂತೆ ಎಂದ ಶಿವಣ್ಣ..!!

‘ಸೈರಾ ನರಸಿಂಹ ರೆಡ್ಡಿ’ ಚಿತ್ರದ ಪ್ರಚಾರಕ್ಕೆ ಚಿತ್ರದ ನಾಯಕ ನಟ ಚಿರಂಜೀವಿ, ರಾಮ್ ಚರಣ್ ತೇಜ್, ತಮನ್ನಾ ಬೆಂಗಳೂರಿಗೆ ಆಗಮಿಸಿದ್ದರು. ಈ‌ ಚಿತ್ರದಲ್ಲಿ ಕಿಚ್ಚ ಸುದೀಪ್ ಕೂಡ ಅಭಿನಯಿಸಿದ್ದು ಈ ಸಂದರ್ಭದಲ್ಲಿ ಅವರು ವಿದೇಶದಲ್ಲಿ ಚಿತ್ರೀಕರಣದಲ್ಲಿದ್ದ ಕಾರಣ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಸಾಧ್ಯವಾಗಲಿಲ್ಲ. ವಿಡಿಯೋ ಕರೆ ಮೂಲಕ ಎಲ್ಲರ ಜೊತೆ ಮಾತನಾಡಿ, ‘ಈ ಚಿತ್ರ ಕನ್ನಡದಲ್ಲಿ ಬರುತ್ತಿರುವುದು‌ ತುಂಬಾ‌ ಖುಷಿಯ‌ ವಿಚಾರ.

ಕನ್ನಡಿಗರೆಲ್ಲರೂ ನೋಡಬೇಕಾದ ಚಿತ್ರ.ಈ ಸಂದರ್ಭದಲ್ಲಿ ಉಪಸ್ಥಿತರಿರುವ ಶಿವಣ್ಣನಿಗೆ ತುಂಬಾ ಥ್ಯಾಂಕ್ಸ್, ಚಿತ್ರ ಯಶಸ್ವಿಯಾಗಲಿ ಎಂದು ಶುಭಕೋರಿದರು. ‘ಸೈರಾ ನರಸಿಂಹ ರೆಡ್ಡಿ’ ಚಿತ್ರದ ಮೇಕಿಂಗ್ ವಿಡಿಯೋವನ್ನು ರಾಜ್ಯದ ಉಪಮುಖ್ಯಮಂತ್ರಿಗಳಾದ ಅಶ್ವಥ್ ನಾರಾಯಣ ಬಿಡುಗಡೆಗೊಳಿಸಿದರು. ಚಿತ್ರದ ನಿರ್ಮಾಪಕ ಚಿರಂಜೀವಿ ಪುತ್ರ ನಟ ರಾಮ್ ಚರಣ್ ತೇಜ್ ಮಾತನಾಡಿ, “ಕನ್ನಡದಲ್ಲಿ ನನಗೆ ತುಂಬಾ‌ ಇಷ್ಟವಾಗುವ ನಟ ಶಿವರಾಜ್ ಕುಮಾರ್. ನಾನು ಅವರ ಫ್ಯಾನ್” ಎಂದರು. ನಂತರ ಮಾತನಾಡಿದ ಶಿವಣ್ಣ “ಇದು ನನಗೆ ನನ್ನ ಫ್ಯಾಮಿಲಿ ಫಂಕ್ಷನ್ ತರ, ನಮ್ ಫ್ಯಾಮಿಲಿ ಜೊತೆ‌ ಅವರು ಯಾವಾಗಲೂ ಇರ್ತಾರೆ. ಅವರು ನಮ್ಮ ಫ್ಯಾಮಿಲಿ ಮೇಲೆ ಇಟ್ಟಿರುವ ಪ್ರೀತಿ, ವಿಶ್ವಾಸ ನಾವು ಕೂಡ ಅವರ ಫ್ಯಾಮಿಲಿ ಜೊತೆ ಇಟ್ಟಿದ್ದೇವೆ.

ಅಪ್ಪಾಜಿಯವರು ಚಿರಂಜೀವಿಯವರನ್ನು ಮತ್ತೊಬ್ಬ ಮಗ ಎಂದು ಹೇಳುತ್ತಿದ್ದರು. ನನಗೆ ಅವರು ದೊಡ್ಡಣ್ಣ ಮಾತ್ರವಲ್ಲದೆ ನಾನು‌ ಅವರ ಫ್ಯಾನ್. ನಾನು ಪವನ್ ಕಲ್ಯಾಣ್ ಅವರದು ದೊಡ್ಡ ಫ್ಯಾನ್. ಅವರ ಫ್ಯಾಮಿಲಿಯಲ್ಲಿ ಎಲ್ಲರೂ ನನಗೆ ಇಷ್ಟ. ‘ಸೈರಾ’ ದೊಡ್ಡ ತಾರಾಗಣ ಇರುವ ಚಿತ್ರ ನಾನು ಅಕ್ಟೋಬರ್ 2 ಫಸ್ಟ್ ಶೋ ಓರಾಯನ್ ಮಾಲ್ ನಲ್ಲಿ ನೋಡುತ್ತೇನೆ. ನಿಮ್ಮಷ್ಟೇ ನಾನು ಕೂಡ ತುಂಬಾ ಕಾತುರದಿಂದ ಕಾಯುತ್ತಿದ್ದೇನೆ. ನಮ್ಮ ಮಾತೃಭಾಷೆಗಿಂತ ಮೊದಲು‌ ನಾವೆಲ್ಲರೂ ಭಾರತೀಯರು. ಚಿತ್ರ ಕನ್ನಡದಲ್ಲಿಯೂ ಬಿಡುಗಡೆಯಾಗುತ್ತಿದೆ ಎಂದು ಹೇಳಿ ಚಿತ್ರಕ್ಕೆ, ಚಿತ್ರತಂಡಕ್ಕೆ ಒಳ್ಳೆಯದಾಗಲಿ” ಎಂದು ಶುಭಕೋರಿದರು. ನಂತರ ಕನ್ನಡದಲ್ಲೇ ಮಾತು ಆರಂಭಿಸಿದ ಚಿರಂಜೀವಿ ಯವರು “ನನ್ನ ಪ್ರೀತಿಯ ಕನ್ನಡದ ಸಹೋದರ ಸಹೋದರಿಯರಿಗೆ ನನ್ನ ನಮಸ್ಕಾರಗಳು. ನಾನು ಚೆನ್ನಾಗಿದ್ದೀನಿ. ನೀವು‌ ಚೆನ್ನಾಗಿದ್ದೀರ ?” ಎಂದು‌ ಕೇಳುವ ಮೂಲಕ‌ ಮಾತು‌ ಆರಂಭಿಸಿದ ಚಿರಂಜೀವಿಯವರು “ಡಾ.ರಾಜ್ ಕುಮಾರ್ ರವರು ದೇವರ ಸ್ವರೂಪಿ. ಅವರ ಮಗ ಶಿವರಾಜ್ ಕುಮಾರ್ ನನಗೆ ತಮ್ಮನಿದ್ದಂತೆ. ನಮ್ಮ ಚಿತ್ರದಲ್ಲಿ ಅಭಿನಯಿಸಿದ ಸುದೀಪ್ ಕೂಡ ನನಗೆ ಸಹೋದರನಿದ್ದಂತೆ” ಎಂದು ಹೇಳಿದರು. ದೇಶದ ಮೊದಲ ಸ್ವಾತಂತ್ರ್ಯ ಹೋರಾಟಗಾರ ಎಂದು ಬಿರುದು ಪಡೆದಿರುವ ನರಸಿಂಹ ರೆಡ್ಡಿಯ ಚಿತ್ರ ‘ಸೈರಾ’. ಚಿತ್ರದ ಆಡಿಯೋ ಹಕ್ಕನ್ನು ಲಹರಿ‌ ಸಂಸ್ಥೆ ಪಡೆದಿದ್ದು, ಚಿತ್ರ ಇದೇ ಬರುವ ಅಕ್ಟೋಬರ್ 2 ರಂದು ತೆರೆ ಕಾಣಲಿದೆ.