ಹಿರಿಯ ನಟ ಶಶಿಕುಮಾರ್ ಪುತ್ರ ಅಕ್ಷಿತ್‌ಶಶಿಕುಮಾರ್ ಮೊದಲಬಾರಿ ನಾಯಕನಾಗಿ ನಟಿಸಿರುವ ’ಸೀತಾಯಣ’ ಚಿತ್ರ

ಹಿರಿಯ ನಟ ಶಶಿಕುಮಾರ್ ಪುತ್ರ ಅಕ್ಷಿತ್‌ಶಶಿಕುಮಾರ್ ಮೊದಲಬಾರಿ ನಾಯಕನಾಗಿ ನಟಿಸಿರುವ ’ಸೀತಾಯಣ’ ಚಿತ್ರದ ಒಂದು ಹಾಡನ್ನು ರಿಯಲ್‌ಸ್ಟಾರ್ ಉಪೇಂದ್ರ ಬಿಡುಗಡೆ ಮಾಡಿ ತಂಡಕ್ಕೆ ಶುಭ ಹಾರೈಸಿದ್ದಾರೆ. ಮದುವೆ ಶುಭಸಂದರ್ಭದಲ್ಲಿ ರಾಮಾಯಣದಲ್ಲಿ ಬರುವ ಶ್ಲೋಕವನ್ನು ಬಳಸುತ್ತಿದ್ದುದನ್ನು ಬದಲು ಮಾಡಿ ಅದಕ್ಕೆ ಸುಂದರ ಹಾಡನ್ನು ಸಿದ್ದಪಡಿಸಲಾಗಿದೆ. ’ಶ್ರೀರಾಮ ಪತ್ನಿ, ಜನಕಸ್ಯ ಪುತ್ರಿ, ಸೀತಾಂಗನ ಸುಂದರ ಕೋಮಲಾಂಗಿ’ ಹೀಗೆ ಸಾಗುವ ಸಾಲುಗಳಿಗೆ ಗಾಯಕಿ ನಯನನಾಯರ್ ಧ್ವನಿಯಾಗಿದ್ದಾರೆ. ಹೊಸ ರೀತಿಯ ಪ್ರೇಮಕತೆ, ಕುತೂಹಲ ಜೊತೆಗೆ ಭಾವನೆಗಳು ತುಂಬಿದ ಕತೆ ಇರಲಿದೆ. ಪ್ರಭಾಕರ್‌ಆರಿಪ್ಕಾ ರಚನೆ, ನಿರ್ದೇಶನದ ಪಾರುಪಥ್ಯ ವಹಿಸಿಕೊಂಡಿದ್ದಾರೆ. ಲಲಿತಾರಾಜಲಕ್ಷೀ ನಿರ್ಮಾಪಕಿಯಾಗಿ ಕಲರ‍್ಸ್ ಕ್ಲೌಡ್ಸ್ ಎಂಟರ್‌ಟೈನ್‌ಮೆಂಟ್ ಮೂಲಕ ನಿರ್ಮಾಣ ಮಾಡಿದ್ದಾರೆ.

ಮುಂಬೈ ನೀರೆ ಅನಹಿತಭೂಷಣ್ ನಾಯಕಿ. ತಾರಗಣದಲ್ಲಿ ವಿಕ್ರಂಶರ್ಮ, ಶರ್ಮಿತಾಗೌಡ, ಮಧುಸೂದನ್, ಮೇಘನಾಗೌಡ, ಅಜಯ್‌ಘೋಷ್, ಹಿತೇಶ್. ವಿಧೆಯುಲೇಖರಮನ್, ಬಿತ್ರಿಸತ್ತಿ, ಟಿಎನ್‌ಆರ್, ಕೃಷ್ಣಭಗವಾನ್, ಬೇಬಿ ಟ್ರೈಕ್ಷಾ, ಅನಂತಬಾಬು, ಗುಂಡುಸುದರ್ಶನ್, ಮಧುಮಣಿ, ಜಬರ್‌ದಸ್ತ್ ಅಪ್ಪರಾವ್, ಲೋಬೋ ಮುಂತಾದವರು ಬಣ್ಣ ಹಚ್ಚಿದ್ದಾರೆ. ಕವಿರಾಜ್,ಗೌಸ್‌ಪೀರ್ ಸಾಹಿತ್ಯದ ಹಾಡುಗಳಿಗೆ ಪದ್ಮನಾಭ್‌ಭಾರದ್ವಾಜ್ ಸಂಗೀತ ಸಂಯೋಜಿಸಿದ್ದಾರೆ. ಬೆಂಗಳೂರು, ಮಂಗಳೂರು, ಆಗುಂಬೆ, ವೈಜಾಕ್, ಹೈದರಾಬಾದ್, ಬ್ಯಾಂಕಾಕ್ ಕಡೆಗಳಲ್ಲಿ ೬೩ ದಿವಸ ಚಿತ್ರೀಕರಣ ನಡೆದಿದೆ. ಛಾಯಾಗ್ರಹಣ ದುರ್ಗಾಪ್ರಸಾದ್‌ಕೊಳ್ಳಿ, ಸಂಕಲನ ಪ್ರವೀಣ್‌ಪುಡಿ, ಸಾಹಸ ರಿಯಲ್‌ಸತೀಶ್, ನೃತ್ಯ ಅನೀಶ್ ಅವರದಾಗಿದೆ. ಕನ್ನಡ, ತೆಲುಗು ಮತ್ತು ತಮಿಳು ಭಾಷೆಯಲ್ಲಿ ಸಿದ್ದಗೊಂಡಿರುವುದು ವಿಶೇಷ.