ಐಶಾನಿ ಶೆಟ್ಟಿ ಮುಂದಿನ ಚಿತ್ರ…ನಡುವೆ ಅಂತರವಿರಲಿ

‘ಜೋತಿ ಅಲಿಯಾಸ್ ಕೋತಿರಾಜ್’ ಚಿತ್ರದ ಮೂಲಕ ಸ್ಯಾಂಡಲ್ವುಡ್ಗೆ ಎಂಟ್ರಿಯಾದ ನಟಿ ಐಶಾನಿ ಶೆಟ್ಟಿ ಫೇಮಸ್ ಆಗಿದ್ದು ಮಾತ್ರ ‘ವಾಸ್ತುಪ್ರಕಾರ’ ಚಿತ್ರದಿಂದ. ಬಬ್ಲಿ ಪಾತ್ರದಲ್ಲಿ ಪ್ರೇಕ್ಷಕರ ಹಾರ್ಟ್ಗೆ ಲಗ್ಗೆ ಇಟ್ಟ ಅವರು ‘ರಾಕೆಟ್’ ಏರಿ ಸ್ವಲ್ಪ ದಿನಗಳ ಕಾಲ ಮರೆಯಾಗಿದ್ದರು. ಐಶಾನಿ ಕಳೆದುಹೋದ್ರಾ ಅನ್ನುವಷ್ಟರಲ್ಲಿ ‘ನಡುವೆ ಅಂತರವಿರಲಿ’ ಎನ್ನುವ ಹೊಸ ಸಿನಿಮಾ ಒಪ್ಪಿಕೊಂಡಿದ್ದಾರೆ. ಈ ಹಿಂದೆ ‘ವಾಸ್ತುಪ್ರಕಾರ’, ‘ಮಾಸ್ಟರ್ಪೀಸ್’ ಚಿತ್ರಗಳಿಗೆ ಸಹಾಯಕ ನಿರ್ದೇಶಕನಾಗಿ ಕೆಲಸ ಮಾಡಿದ್ದ ರವೀನ್ ‘ನಡುವೆ ಅಂತರವಿರಲಿ’ ಚಿತ್ರದ ಮೂಲಕ ನಿರ್ದೇಶಕನಾಗುತ್ತಿದ್ದಾರೆ.

ಇದು ಕಾಲೇಜ್ ಹುಡುಗ- ಹುಡುಗಿಯರ ಲವ್ ಸ್ಟೋರಿಯಂತೆ. ಈ ಚಿತ್ರದಲ್ಲಿ ಐಶಾನಿ ಮಧ್ಯಮ ವರ್ಗದ ಕಾಲೇಜು ವಿದ್ಯಾರ್ಥಿನಿ ಪಾತ್ರ ನಿರ್ವಹಿಸುತ್ತಿದ್ದಾರೆ. ‘ರಿಯಲ್ ಲೈಫ್ನಲ್ಲಿ ಕಾಲೇಜ್ಗೆ

ಹೋಗುತ್ತಿರುವುದರಿಂದ ರೀಲ್ ಲೈಫ್ನಲ್ಲಿ ಈ ಪಾತ್ರವನ್ನ ನಿರ್ವಹಿಸುವುದಕ್ಕೆ ಅಷ್ಟೇನೂ ತಯಾರಿ ಬೇಕಾಗಿಲ್ಲ. ನಾನು ಸೇಂಟ್ ಜೋಸೆಫ್ ಕಾಲೇಜ್ನಲ್ಲಿ ಮಾಸ್ ಕಮ್ಯುನಿಕೇಷನ್ ಓದುತ್ತಿದ್ದೇನೆ. ಓದು ಬಿಟ್ಟು, ಸಂಪೂರ್ಣವಾಗಿ ಸಿನಿಮಾದಲ್ಲಿ ತೊಡಗಿಸಿಕೊಳ್ಳಲು ನನಗೆ ಮನಸಿಲ್ಲ. ಹಾಗಾಗಿ ಶಿಕ್ಷಣದ ಜತೆಜತೆಗೆ ಸಿನಿಮಾಗಳನ್ನ ಮಾಡುತ್ತೇನೆ. ಕಾಲೇಜ್ನಲ್ಲಿ ರಜೆ ಸಿಗದೆ ಸಿನಿಮಾಗೆ ಎಫೆಕ್ಟ್ ಆಗಬಾರದು ಅಂತ ಕೆಲವೊಂದು ಪ್ರಾಜೆಕ್ಟ್ ಒಪ್ಪಿಕೊಂಡಿಲ್ಲ. ಆದರೆ ‘ನಡುವೆ ಅಂತರವಿರಲಿ’ ಚಿತ್ರದ ಪಾತ್ರ ನನಗೆ ಇಷ್ಟವಾದ್ದರಿಂದ ಒಪ್ಪಿಕೊಂಡಿದ್ದೇನೆ.