ಏಪ್ರಿಲ್ ತಿಂಗಳಲ್ಲಿ ‘6 ಟೂ 6 / 6 to 6’ ಬಿಡುಗಡೆ

ಅನ್ನಪೂರ್ಣೇಶ್ವರಿ ಆಟ್ರ್ಸ್ ಲಾಂಛನದಲ್ಲಿ ಅಭಿಷೇಕ್ ಎಂ. ಎಂ. ನಿರ್ಮಿಸುತ್ತಿರುವ ‘6 ಟು 6 / 6 to 6’ ಚಿತ್ರಕ್ಕೆ ಇತ್ತೀಚೆಗೆ ಸೆನ್ಸಾರ್ ಮಂಡಳಿ ವೀಕ್ಷಿಸಿ ಯು/ಎ ಸರ್ಟಿಫಿಕೆಟ್ ನೀಡಿದೆ. ಬೆಳಿಗ್ಗೆ 6 ಗಂಟೆಯಿಂದ ಸಂಜೆ 6 ಗಂಟೆಯವರೆಗೆ ನಡೆಯುವಂತಹ ಘಟನೆಗಳನ್ನಿಟ್ಟುಕೊಂಡು ಒಂದು ಥ್ರಿಲ್ಲರ್ ಕಾಮಿಡಿ, ಆ್ಯಕ್ಷನ್ ಕಥಾಹಂದರ ಹೊಂದಿರುವ ಈ ಚಿತ್ರವನ್ನು ಏಪ್ರಿಲ್ ತಿಂಗಳ ಕೊನೆಯ ವಾರದಲ್ಲಿ ಬಿಡುಗಡೆ ಮಾಡುವುದಾಗಿ ನಿರ್ಮಾಪಕರು ತಿಳಿಸಿದ್ದಾರೆ.

ಶ್ರೀನಿವಾಸ್ ಶಿಡ್ಲಘಟ್ಟ ನಿರ್ದೇಶಿಸುತ್ತಿರುವ ಈ ಚಿತ್ರಕ್ಕೆ ಗಣೇಶ್ ಹೆಗಡೆ ಛಾಯಾಗ್ರಹಣ, ಮಾನಸ ಹೊಳ್ಳ ಸಂಗೀತ, ವಿ. ಮನೋಹರ್ ಹಾಗೂ ಕೆ. ಕಲ್ಯಾಣ್ ಸಾಹಿತ್ಯ, ವಿಶ್ವ ಸಂಕಲನ, ಕೆ.ಎಲ್. ವೇಣುಗೋಪಾಲ್ ಕುದೂರು ಗುಂಡಿ ಸಂಭಾಷಣೆ ಮತ್ತು ಸಹ ನಿರ್ದೇಶನ, ರಾಜು ನೃತ್ಯ ನಿರ್ದೇಶನ, ಸೊಣ್ಣಪ್ಪ ಸಾಹಸ, ಎಂ.ಎಂ. ಅರವಿಂದ್, ಎ,ಎನ್. ಅನುಶ್ರೀ ರಘುನಂದನ್ ಸಹ ನಿರ್ಮಾಪಕರಾಗಿದ್ದು, ತಾರಖ್ ಪೊನ್ನಪ್ಪ ಸ್ವರೂಪಿಣಿ, ಸುರೇಶ್ ಹೆಬ್ಳೀಕರ್, ಸದಾಶಿವ ಬ್ರಹ್ಮಾವರ್, ಶಂಖನಾದ ಅರವಿಂದ್, ವಿನಯ್ ಅಂಕೋಲಾ, ಮೈಸೂರು ರಮಾನಂದ್, ಪ್ರದೀಪ್ ಹೆಬ್ಬಾರ್, ರಮಾ ಅರವಿಂದ್, ರಾಜ್ ಟೈಲರ್, ಹ್ಯಾರಿ, ಸಚಿನ್, ರಘುನಂದನ್, ಮುಂತಾದವರ ತಾರಾಬಳಗವಿದೆ.