ಶಿವಮೊಗ್ಗ ಜೈಲಿನಲ್ಲಿ ತಮಿಳು ನಟ ವಿಜಯ್…!!!
ಶಿವಮೊಗ್ಗ: ತಮಿಳಿನ ಖ್ಯಾತ ನಟ ವಿಜಯ್ ಶಿವಮೊಗ್ಗ ಜೈಲಿನಲ್ಲಿ ಇದ್ದಾರೆ. ವಿಜಯ್ ಚಿತ್ರೀಕರಣಕ್ಕಾಗಿ ತಮಿಳುನಾಡಿನಿಂದ ಶಿವಮೊಗ್ಗ ಜೈಲಿಗೆ ಬಂದಿದ್ದು, ಶಿವಮೊಗ್ಗದ ಹಳೆ ಜೈಲಿನಲ್ಲಿ ದಳಪತಿ 64 ಚಿತ್ರದ ಚಿತ್ರೀಕರಣ ಭರ್ಜರಿಯಾಗಿ ನಡೆಯುತ್ತಿದೆ.
ಇಡೀ ಚಿತ್ರತಂಡ ಶಿವಮೊಗ್ಗ ಜೈಲಿನಲ್ಲಿ ಬೀಡುಬಿಟ್ಟಿದ್ದು, ಕಳೆದ ಒಂದು ವಾರದಿಂದ ಶಿವಮೊಗ್ಗ ಜೈಲಿನಲ್ಲಿ ಇರುವ ವಿಜಯ್ ನೋಡಲು ಅಭಿಮಾನಿಗಳು ಮುಗಿಬಿದ್ದಿದ್ದಾರೆ. ಶಿವಮೊಗ್ಗದ ಜೈಲು ಆವರಣದಲ್ಲಿ ಚಿತ್ರೀಕರಣ ಮಾಡುತ್ತಿದ್ದರೆ ಗೇಟ್ ಮುಂದೆ ಅಭಿಮಾನಿಗಳು ಕಾಯುತ್ತ ನಿಂತಿರುತ್ತಾರೆ.
ವಿಜಯ್ ತಂಗಿರುವ ಹೋಟೆಲ್ ಮುಂಭಾಗದಲ್ಲಿ ಅಭಿಮಾನಿಗಳು ಜಮಾಯಿಸುತ್ತಿದ್ದಾರೆ. ಚಿತ್ರೀಕರಣಕ್ಕೆಂದು ಹೋಗುವಾಗ ಅಭಿಮಾನಿಗಳು ವಿಜಯ್ ಕಾರನ್ನು ಮುತ್ತಿಕೊಳ್ಳುತ್ತಿದ್ದಾರೆ.
ಕಳೆದ ಒಂದು ವಾರದಿಂದ ಕಾಯುತ್ತಿದ್ದ ಅಭಿಮಾನಿಗಳಿಗೆ ವಿಜಯ್ ನಿರಾಸೆ ಮಾಡದೆ ಕೊನೆಗೂ ದರ್ಶನ ನೀಡಿದ್ದಾರೆ. ನಿನ್ನೆ ತಾವು ತಂಗಿರುವ ಹೋಟೆಲ್ ಗೆ ಆಗಮಿಸುವಾಗ ಕಾರಿನಿಂದ ಇಳಿದು ಹೊರಬಂದು, ನೆರೆದಿರುವ ಅಭಿಮಾನಿಗಳಿಗೆ ವಿಜಯ್ ಕೈ ಬೀಸಿ ಅಭಿಮಾನಿಗಳನ್ನು ಸಂತಸ ಪಡಿಸಿದ್ದಾರೆ.
