ದೇವರಾಜ್ ಕುಮಾರ್ ನಿರ್ದೇಶನದಲ್ಲಿ ತಾಜ್ ಮಹಲ್-2

ಇತ್ತೀಚೆಗೆ ತೆರೆಕಂಡ ಅನುಷ್ಕ ಹಾಗೂ ಡೇಂಜರ್ ಜೋನ್ ಚಿತ್ರಗಳನ್ನು
ನಿರ್ದೇಶನ ಮಾಡಿದ್ದ ದೇವರಾಜ್ ಕುಮಾರ್ ಅವರು ಮತ್ತೊಂದು ಚಿತ್ರ
ಶುರುಮಾಡುತ್ತಿದ್ದಾರೆ. ಚಿತ್ರಕ್ಕೆ ತಾಜ್ ಮಹಲ್ -2 ಎಂದು ಶೀರ್ಷಿಕೆ
ಇಡಲಾಗಿದೆ‌. ಈ ಹಿಂದೆ ಅಜಯ್ ರಾವ್ ನಾಯಕತ್ವದಲ್ಲಿ ತಾಜ್ ಮಹಲ್
ಚಿತ್ರವನ್ನು ಆರ್.ಚಂದ್ರು ಅವರು ನಿರ್ದೇಶನ ಮಾಡಿದ್ದರು. ಈಗ ಈ
ಶೀರ್ಷಿಕೆಯ ಭಾಗ 2ಚಿತ್ರವನ್ನು ದೇವರಾಜ್ ಕುಮಾರ್ ಅವರು ನಿರ್ದೇಶನ
ಮಾಡಲು ಸಿದ್ದತೆ ಮಾಡಿದ್ದಾರೆ. ಗಂಗಾಂಬಿಕ ಫಿಲಂಸ್ ಬ್ಯಾನರ್ ಅಡಿಯಲ್ಲಿ
ಈ ಚಿತ್ರದ ನಿರ್ಮಾಣವಾಗಲಿದೆ. ತಾರಾಗಣ ಹಾಗೂ ತಂತ್ರಜ್ಞರ ಆಯ್ಕೆ
ಉಳಿದ ಮಾಹಿತಿಗಳನ್ನು ಸದ್ಯದಲ್ಲೇ ತಿಳಿಸಲಿದ್ದಾರೆ ನಿರ್ದೇಶಕ ದೇವರಾಜ್
ಕುಮಾರ್ ಅವರು.