ನಿರ್ಮಾಪಕಿಯಾಗಿ ‘ಸ್ಪರ್ಶ’ ರೇಖಾ

Published on

March 26, 2018 1103 Views

Usha Udupi

ನಿರ್ಮಾಪಕಿಯಾಗಿ ‘ಸ್ಪರ್ಶ’ ರೇಖಾ
‘ಸ್ಪರ್ಶ’ ಹಾಗೂ ‘ ಮೆಜೆಸ್ಟಿಕ್’ ಚಿತ್ರದಲ್ಲಿ‌ ಸುದೀಪ್ ಮತ್ತು ದರ್ಶನ್ ಗೆ ನಾಯಕಿಯಾಗಿ ಕಾಣಿಸಿಕೊಂಡ ರೇಖಾ, ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ನಂತರ ಚಿತ್ರರಂಗದಿಂದ ದೂರ ಉಳಿದರು. ಮದುವೆಯಾದ್ಮೇಲೆ ಅಮೆರಿಕದಲ್ಲಿ ನೆಲೆಸಿದ ರೇಖಾ ಮತ್ತೆ ಕಾಣಿಸಿಕೊಂಡಿದ್ದು ‘ ಬಿಗ್ಬಾಸ್ ಮನೆಯಲ್ಲಿ. ‘ಬಿಗ್ ಬಾಸ್ ಕನ್ನಡ – 4’ ರಿಯಾಲಿಟಿ ಶೋ ನಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದ ರೇಖಾರವರು ಎರಡನೇಯ ರನ್ನರ್ ಆಪ್ ಆದರು. ಮತ್ತೆ ಬಣ್ಣದ ಲೋಕಕ್ಕೆ ಕಾಲಿಟ್ಟ ರೇಖಾ ‘ ಶ್ರೀಕಂಠ’ ಚಿತ್ರದಲ್ಲಿ ಬಣ್ಣ ಹಚ್ಚಿದರು. ಈಗ ಚಿತ್ರ ನಿರ್ಮಾಣದ ಜವಾಬ್ದಾರಿ ಯನ್ನು ಹೊತ್ತಿದ್ದಾರೆ.

ಇವರ ನಿರ್ಮಾಣದ ‘ ಡೇಮೊ ಪೀಸ್’ ಚಿತ್ರದ ಮುಹೂರ್ತ ಇತ್ತೀಚಿಗೆ ನೆರವೇರಿದ್ದು, ರಾಕಿಂಗ್ ಸ್ಟಾರ್ ಯಶ್ ಕ್ಲಾಪ್ ಮಾಡಿದ್ದಾರೆ. ಚಿತ್ರದಲ್ಲಿ ‘ ಬ್ರಹ್ಮಗಂಟು’ ಧಾರಾವಾಹಿ ಖ್ಯಾತಿಯ ಭರತ್ ನಾಯಕನಾಗಿದ್ದು, ಸೋನಾಲ್ ಮೋಟೆರಿಯೋ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಪತ್ರಕರ್ತರಾದ ಚಕ್ರವರ್ತಿ ಚಂದ್ರಚೂಡ್ ವಿಲನ್ ಆಗಿ‌ ಈ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.