ಶಿವಣ್ಣನ ಬರ್ತ್ಡೇ ಸ್ಪೆಷಲ್ ಗುಡ್ ನ್ಯೂಸ್ ಕೊಟ್ಟ ದ್ರೋಣ ಟೀಮ್…!!!!

ದ್ರೋಣನಾಗಿ ಘರ್ಜಿಸೋದಕ್ಕೆ ಸಜ್ಜಾದ್ರು ಸೆಂಚುರಿ ಸ್ಟಾರ್
ಕತ್ತಿಗಿಂತ ಹರಿದವಾದ ಲೇಖನಿ ಹಿಡಿದು ಬರ್ತಾವ್ರೆ ಕರುನಾಡ ಚಕ್ರವರ್ತಿ
ಶಿವಣ್ಣನ ಬರ್ತ್ಡೇ ಸ್ಪೆಷಲ್ ಗುಡ್ ನ್ಯೂಸ್ ಕೊಟ್ಟ ದ್ರೋಣ ಟೀಮ್…!!!!

57ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿರೋ, ಚಿರಯುವಕ ಹ್ಯಾಟ್ರಿಕ್ ಹೀರೋ ಡಾ. ಶಿವರಾಜ್ ಕುಮಾರ್, ವರ್ಷದ 365ದಿನವೂ ಸಿನಿಮಾದಲ್ಲೇ ಮುಳುಗಿರೋ ಕನ್ನಡದ ಏಕೈಕ ನಟ… ಕನ್ನಡ ಆಲ್ವೇಸ್ ಬ್ಯುಸಿಯಸ್ಟ್ ನಟ… ಸಿನಿಮಾದಿಂದ ಸಿನಿಮಾದಿಂದ ಸಿನಿಮಾಗೆ ಭಿನ್ನತೆಯನ್ನ ಕಾಪಾಡಿಕಳ್ಳುತ್ತಾ, ಬ್ಯಾಕ್ ಟು ಬ್ಯಾಕ್ ವೆರೈಟಿ ಸಿನಿಮಾಗಳನ್ನ ಕೊಡುತ್ತಾ ಬರ್ತಿರೋ ಶಿವಣ್ಣ, ಕಳೆದ ವರ್ಷ ಅನೌನ್ಸ್ ಮಾಡಿದ್ದ ದ್ರೋಣ ಸಿನಿಮಾ ಇದೀಗ ರಿಲೀಸ್ ಗೆ ರೆಡಿಯಾಗ್ತಿದೆ.. ದ್ರೋಣ ಸಿನಿಮಾದ ಟೈಟಲ್ಲೇ ಹೇಳುವಂತೆ ಈ ಚಿತ್ರದಲ್ಲಿ ಶಿವಣ್ಣನದ್ದು ಗುರುವಿನ ಪಾತ್ರ.. ಮೇಷ್ಟ್ರ ಪಾತ್ರದಲ್ಲಿ ಮಿಂಚಿದ್ದಾರೆ.. ಕತ್ತಿಗಿಂತ ಹರಿತವಾದದ್ದು ಲೇಖನಿ ಅನ್ನೋ ಥೀಮ್ ಇರೋ ಈ ಸಿನಿಮಾ ಸಾಮಾಜಿಕ ಮೌಲ್ಯಗಳಿಂದ ಕೂಡಿದೆ..

ಮುಹೂರ್ತದಂತೆ ಪೆನ್ ಹಿಡಿದು ಭಿನ್ನವಾಗಿ ಫೋಸ್ ಕೊಟ್ಟು, ಕನ್ನಡ ಸಿನಿಪ್ರಿಯರಲ್ಲಿ ವಿಶೇಷ ಕುತೂಹಲವನ್ನ ಹುಟ್ಟಿಸಿದ್ದ ದ್ರೋಣ ಟೀಮ್ ಇದೀಗ ಸಿನಿಮಾವನ್ನ ರಿಲೀಸ್ ಗೆ ರೆಡಿಮಾಡಿದ್ದು, ಪಬ್ಲಿಸಿಟಿ ಶುರುಮಾಡೋದಕ್ಕೆ ಪ್ಲಾನ್ ಮಾಡಿಕೊಂಡಿದೆ.. ಅಂದ್ಹಾಗೆ ಇವತ್ತು ಶಿವಣ್ಣನ ಹುಟ್ಟುಹಬ್ಬಕ್ಕೆ ಸ್ಪೆಷಲ್ ಪೋಸ್ಟರ್ ನ ರಿಲೀಸ್ ಮಾಡಿರೋ ಚಿತ್ರತಂಡ..

ಇದು ಶಿವಣ್ಣನ ನೆಕ್ಸ್ಟ್ ರಿಲೀಸ್ ಅನ್ನೋ ನ್ಯೂಸ್ ಕೊಟ್ಟಿದೆ.. ಈ ಸಿನಿಮಾ ಸಾಕಷ್ಟು ವಿಶೇಷತೆಗಳಿಂದ ಕೂಡಿದ್ದು, ಸದ್ಯದಲ್ಲೇ ಒಂದೊಂದೇ ವಿಚಾರವನ್ನ ಬಿಟ್ಟುಕೊಡಲಿದ್ದೇವೆ ಅಂತ ಚಿತ್ರತಂಡ ಹೇಳಿಕೊಂಡಿದೆ..

ದ್ರೋಣ ಸಿನಿಮಾವನ್ನ ಡಾಲ್ಫಿನ್ ಮಿಡಿಯಾ ಹೌಸ್ ಬ್ಯಾನರ್ ನಲ್ಲಿ ಬಿ.ಮಹದೇವ್, ಸಂಗಮೇಶ್.ಬಿ, ಶೇಷು ಚಕ್ರವರ್ತಿ ನಿರ್ಮಿಸಿದ್ದಾರೆ.. ಪ್ರಮೋದ್ ಚಕ್ರವರ್ತಿ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದಾರೆ.. ಅನುಭವಸ್ಥ ತಂತ್ರಜ್ಞನರೊಂದಿಗೆ ಪ್ರಮೋದ್ ಚಕ್ರವರ್ತಿ ದ್ರೋಣ ಸಿನಿಮಾವನ್ನ ತುಂಬಾ ಕ್ವಾಲಿಟಿಯಾಗಿ ತೆರೆಗೆ ತರೋ ಪ್ರಯತ್ನವನ್ನ ಮಾಡಿದ್ದು, ಶಿವಣ್ಣನ ವೃತ್ತಿ ಬದುಕಿನಲ್ಲಿ ಈ ಚಿತ್ರ ಮತ್ತೊಂದು ಭಿನ್ನ ಸಿನಿಮಾವಾಗಿ ಉಳಿಯಲಿದೆ ಅನ್ನೋ ನಂಬಿಕೆಯಲ್ಲಿದೆ ಚಿತ್ರತಂಡ.