ಸಾಯಿಕುಮಾರ್ ಪುತ್ರಿಯ ಹೊಸ ಪ್ರಾಡೆಕ್ಟ್ Food Steps ಗೆ, ಪುನೀತ್ ಚಾಲನೆ

ನಟ ಸಾಯಿಕುಮಾರ್ ಅವರ ಪುತ್ರಿ ಜ್ಯೋತಿರ್ಮಯಿ ಮೂಲತ: ಒಬ್ಬ ವೈದ್ಯೆ,‌ ಮಕ್ಕಳತಜ್ಞೆ. ತಮ್ಮ ಬಳಿ ಬರುವ ಹಲವಾರು ಪೋಷಕರ ಸಮಸ್ಯೆಯಲ್ಲಿ
ಮಕ್ಕಳು ಆಹಾರ ಸೇವಿಸಲು ನಿರಾಸಕ್ತಿ ತೋರಿಸುವುದು ಪ್ರಮುಖವಾಗಿರುತ್ತಿತ್ತು. ಇದನ್ನು ಮನಗಂಡ ಡಾ.ಜ್ಯೋತಿಮಯಿ ಅವರು ತಮ್ಮ ಪತಿ ಕೃಷ್ಣ ಫಲ್ಗುಣರ ಜೊತೆ ಸೇರಿ ಮಕ್ಕಳಿಗೆ
ರುಚಿಸುವಂಥ ಪೌಷ್ಠಿಕಾಂಶ ಒಳಗೊಂಡ ಸಿದ್ದ ಆಹಾರವನ್ನು ತಯಾರಿಸಿ ಫುಡ್ ಸ್ಟೆಪ್ಸ್ ಎಂಬ ದ್ರವ ರೂಪದ ಮಕ್ಕಳ ಆಹಾರವನ್ನು ಮಾರುಕಟ್ಟೆಗೆ ತಂದಿದ್ದಾರೆ.

ಈ ಪ್ರಾಡಕ್ಟ್ ಬಿಡುಗಡೆ ಕಾರ್ಯಕ್ರಮ ಬೆಂಗಳೂರಿನ ಪಂಚತಾರಾ ಹೋಟೆಲೊಂದರಲ್ಲಿ ನೆರವೇರಿತು.
ಪವರ್‌ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅವರು ಮುಖ್ಯ ಅತಿಥಿಗಳಾಗಿ ಆಗಮಿಸಿ ಈ ಫಡ್
ಪ್ಟಾಡೆಕ್ಟ್ ಬಿಡುಗಡೆ ಮಾಡಿದರು. ನಂತರ ಅವರು ಮಾತನಾಡುತ್ತ ಈ ಥರದ ಪ್ರಾಡಕ್ಟ ಗಳನ್ನು ಫಾರಿನ್ ಕಂಟ್ರಿಗಳಲ್ಲಿ ನೋಡುತ್ತಿದ್ದೆವು. ಈಗ ನಮ್ಮಲ್ಲಿಯೂ
ಸಹ ಬಂದಿದೆ. ಇದರಿಂದ ನಮ್ಮ ಎಲ್ಲಾ ತಾಯಂದಿರಿಗೆ ಸಹಕಾರಿಯಾಗುತ್ತದೆ, ಸಾಯಿಕುಮಾರ್ ಅವರ ಮಗಳು ಮಕ್ಕಳ ವೈದ್ಯೆಯಾಗಿ ಇಂಥ ಒಂದು ಪ್ರಾಡೆಕ್ಟ್ ರೆಡಿ ಮಾಡಿದ್ದಾರೆ. ಅವರ ಕಂಪನಿ ಉತ್ತಮವಾಗಿ ಬೆಳೆಯಲಿ. ಮತ್ತೊಂದಷ್ಟು ಹೊಸ ಉತ್ಪನ್ನಗಳನ್ನು ಪರಿಚಯಿಸಲಿ, ಇದರ ಜಾಹೀರಾತನ್ನು ರವಿಶಂಕರ್ ಅವರ ಮಗ ತುಂಬಾ ಅದ್ಭುತವಾಗಿ ಮಾಡಿದ್ದಾರೆ ಎಂದು ಶುಭ ಹಾರೈಸಿದರು. ಈ ಸಂದರ್ಭದಲ್ಲಿ ಸಾಯಿಕುಮಾರ್
ಸಹೋದರರಾದ ನಟ ರವಿಶಂಕರ್, ಅಯ್ಯಪ್ಪ ಶರ್ಮ ಸಹ ಹಾಜರಿದ್ದರು.