ಶಿವಣ್ಣನ ಅಭಿನಯದಲ್ಲಿ ರಾಣಾ ಸಿನಿಮಾ ಮಾಡುತ್ತಿಲ್ಲ ಇದು ಸುಳ್ಳು ಸುದ್ದಿ- ನಿರ್ದೇಶಕ ಹರ್ಷ

ಕಳೆದ ಎರಡು ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಹೀಗೆಂದು
ಸುದ್ದಿ ಸಖತ್ ವೈರಲ್ ಆಗಿದೆ. ಯಶ್ ಅಭಿನಯದಲ್ಲಿ ಮಾಡಬೇಕಾಗಿದ್ದ
ರಾಣಾ ಚಿತ್ರವನ್ನು ಹರ್ಷ ಅವರು ಶಿವಣ್ಣನಿಗೆ ಮಾಡಲಿದ್ದಾರೆ ಎಂಬ ಸುಳ್ಳು ಸುದ್ದಿಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಈ ಸುದ್ದಿ ಎಲ್ಲಿಂದ ಹರಿದುಬಂತೊ ಗೊತ್ತಿಲ್ಲ ಆದರೆ ವೈರಲ್ ಆಗಿಬಿಟ್ಟಿದೆ‌. ಈ ವಿಷಯವಾಗಿ ನಿರ್ದೇಶಕ ಹರ್ಷ ಅವರು ಹರಡಿದ್ದ ಸುಳ್ಳು ಮಾಹಿತಿಗೆ ಸ್ಪಷ್ಟ ಮಾಹಿತಿಯನ್ನು ಕೊಟ್ಟಿದ್ದಾರೆ. ರಾಕಿಂಗ್ ಸ್ಟಾರ್ ಅವರಿಗಾಗಿ ರಾಣಾ ಕಥೆಯನ್ನು ಮಾಡಿದ್ದು ಅವರಿಗೆಂದೆ ಮಾಡಿದ ಕಥೆಯನ್ನು ಶಿವಣ್ಣ ಅವರಿಗೆ ಯಾಕೆ ಮಾಡಲಿ.

ಶಿವಣ್ಣ ಅವರು ಒಪ್ಪಿದರೆ ಅವರಿಗಾಗಿಯೇ ಹೊಸ ಕಥೆಯೊಂದನ್ನು ಮಾಡುತ್ತೇನೆ.ಈಗ ಹರಡುತ್ತಿರುವ ಸುದ್ದಿ ಸುಳ್ಳು ಎಂಬುದಾಗಿ ಹರ್ಷ ಅವರು ಹೇಳಿದ್ದಾರೆ.

ರಾಣಾ ಚಿತ್ರವನ್ನು ಅಭಿನಯದಲ್ಲೇ ಮಾಡುತ್ತೇನೆ. ಯಶ್ ಅವರು ಕೆ.ಜಿ.ಎಫ್ ಮುಂದುವರೆದ ಭಾಗದಲ್ಲಿ ಬ್ಯುಸಿಯಾಗಿರುವುದರಿಂದ ರಾಣಾ ಚಿತ್ರ ಮಾಡಲು ನಿಧಾನವಾಗಿದೆ. ಅದು ಮುಗಿಯುತ್ತಿದ್ದಂತೆ ರಾಣಾ ಆರಂಭವಾಗಿತ್ತೆ ಎಂದು ಹರ್ಷ ಅವರು ತಿಳಿಸಿದ್ದಾರೆ.ಈ ಹಿಂದೆ ಹರ್ಷ ಅವರ ನಿರ್ದೇಶನದಲ್ಲಿ ಶಿವಣ್ಣ ಅಭಿನಯದ ಭಜರಂಗಿ ಹಾಗೂ ವಜ್ರಕಾಯ ಚಿತ್ರಗಳು ಸೂಪರ್ ಹಿಟ್ ಅಗಿದ್ದವು. ಸದ್ಯ ಹರ್ಷ ಅವರು ನಿರ್ದೇಶನ ಮಾಡಿರುವ ಸೀತಾರಾಮ ಕಲ್ಯಾಣ ಚಿತ್ರವು 25ನೇ ದಿನದತ್ತ ಸಾಗುತ್ತಿದ್ದು ಅವರ ಮುಂದಿನ ಸಿನಿಮಾ ಯಾವುದಿರಬಹುದೆಂದು ಅವರ ಅಭಿಮಾನಿಗಳು ಕಾತುರದಿಂದ ಕಾದಿದ್ದಾರೆ.