ಹೊಸವರ್ಷದಲ್ಲಿ ಶುರು ಹೊಸಬರ ವಿಭಿನ್ನ ಶೀರ್ಷಿಕೆಯ “ಸೋಹಂ”

Published on

December 20, 2018 507 Views

Venkatesh Mantesh

ಇತ್ತೀಚಿನ ದಿನಗಳಲ್ಲಿ ಯುವ ನಿರ್ದೇಶಕರು ವಿಭಿನ್ನವಾದ ಕಥೆ ಇರುವ
ಸಿನಿಮಾಗಳ ಮೂಲಕ ಮನರಂಜಿಸಿ ಸಿನಿಪ್ರಿಯರನ್ನ ಮನಗೆಲ್ಲುತ್ತಿದ್ದಾರೆ.
ಹೊಸ ವರ್ಷದಲ್ಲಿ ಹೊಸ ಕನಸುಗಳನ್ನು ಹೊತ್ತು ಮತ್ತೊಂದು ಹೊಸಬರ
ತಂಡವು ‘ಸೋಹಂ’ (ಸೋಹಂ ಎಂದರೆ ‘ನಾನೇ ಅದು’ ಎಂದರ್ಥ)
ಎಂಬ ವಿಭಿನ್ನ ಶೀರ್ಷಿಕೆಯ ಸಿನಿಮಾವೊಂದನ್ನು ನಿರ್ಮಾಣ ಮಾಡಲು
ತಯಾರಿ ನಡೆಸಿದೆ.

‘ I AM THAT ‘ ಎಂಬ ಉಪಶೀರ್ಷಿಕೆಯುಳ್ಳ ಚಿತ್ರದ ಪೋಸ್ಟರ್ ನ ಫಸ್ಟ್ ಲುಕ್ ಅನ್ನು ಚಿತ್ರತಂಡ ಸಾಮಾಜಿಕ ಜಾಲತಾಣಗಳಲ್ಲಿ ಬಿಡುಗಡೆ ಮಾಡಿದೆ. ಮೂರು ಬೇರೆ ಬೇರೆ ಕತೆಗಳು ಜೊತೆಯಾಗಿ ಬೆಸದುಕೊಂಡು ಅಂತ್ಯಗೊಳ್ಳುತ್ತವೆ ಎಂಬುದನ್ನು ತೆರೆಯ ಮೇಲೆ ತೋರಿಸಲು ವಿಭಿನ್ನವಾದ ಕಥೆಯೊಂದಿಗೆ ಬರುತ್ತಿದೆ ಈ ಹೊಸ ತಂಡ. ಹರೀಶ್ ಕುಮಾರ್ ಎಂಬ ಉದಯೋನ್ಮುಖ ನಿರ್ದೇಶಕ ಕಥೆ ಚಿತ್ರಕಥೆ ಛಾಯಗ್ರಹಣ ಮಾಡಲಿರುವ ಈ ಚಿತ್ರದಲ್ಲಿ ಎಲ್ಲಾ ಯುವಪ್ರತಿಭೆಗಳೇ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರದ ಮುಹೂರ್ಥ ಹಾಗೂ ಚಿತ್ರೀಕರಣ ಜನವರಿ ತಿಂಗಳಲ್ಲಿ ನಡೆಯಲಿದೆ. ಸುಶುಪ್ತಿ ಡ್ರೀಮ್ಸ್ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗಲಿರುವ ಈ ಚಿತ್ರಕ್ಕೆ ಹಾಗೂ ಚಿತ್ರತಂಡಕ್ಕೆ ಶುಭಹಾರೈಸೋಣ.