ಸ್ಟಾರ್ ಪ್ಲಸ್ ವಾಹಿನಿಯಲ್ಲಿ ಶುರುವಾಗ್ತಿದೆ ಹೊಸ ಧಾರಾವಾಹಿ’ದೃಷ್ಟಿ’

Published on

June 16, 2020 458 Views

flixoye

ಸ್ಟಾರ್ ಪ್ಲಸ್ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ‘ನಜರ್’ ಹಾರರ್ ಧಾರಾವಾಹಿಯನ್ನು ಜನರು ಬಹಳ ಮೆಚ್ಚಿಕೊಂಡಿದ್ದರು. 2018 ರಲ್ಲಿ ಆರಂಭವಾದ ಈ ಧಾರಾವಾಹಿ ಯಶಸ್ವಿ ಎರಡು ಸಂಚಿಕೆಗಳನ್ನು ಪೂರೈಸಿತ್ತು. ಇದೇ ಹಾರರ್ ಧಾರಾವಾಹಿಯನ್ನು ಇದೀಗ ಕನ್ನಡದಲ್ಲಿ ಡಬ್ ಮಾಡಿ ಪ್ರಸಾರ ಆರಂಭಿಸಲು ವಾಹಿನಿ ನಿರ್ಧರಿಸಿದ್ದು ಜೂನ್ 15 ರಿಂದ ಪ್ರತಿರಾತ್ರಿ 10.30 ಕ್ಕೆ ಪ್ರಸಾರ ಕಾಣಲಿದೆ.

ಮೋಹನ ಮತ್ತು ಮೃದಲ್ ರಾಥೋಡ್ ‘ದೃಷ್ಟಿ’ ಧಾರಾವಾಹಿಯ ಮುಖ್ಯ ಪಾತ್ರಗಳು. ಅರ್ಥಾತ್ ನಾಯಕ ಮತ್ತು ನಾಯಕಿ. ಇವರಿಬ್ಬರಿಗೆ ಅನ್ಷ್ ಮತ್ತು ಕಾಜಲ್ ಎಂಬ ಇಬ್ಬರು ಮಕ್ಕಳಿರುತ್ತಾರೆ. ಹೆಚ್ಚು ಹಣ ಸಂಪಾದಿಸುವ ಉದ್ದೇಶದಿಂದ ಮೋಹನ ಮತ್ತು ಮೃದಲ್ ರಾಥೋಡ್ ಮಾಟ ಮಂತ್ರದ ಹಾದಿ ಹಿಡಿಯುತ್ತಾರೆ. ಮುಂದೆ ಅದೇ ಕಾರಣದಿಂದ ಮೃದಲ್ ಸಾಯುತ್ತಾನೆ. ಅವನ ಸಾವಿನಿಂದ ದಿಕ್ಕು ತೋಚದ ಮೋಹನ ಇನ್ನೊಂದು ಕೊಲೆ ಮಾಡುತ್ತಾಳೆ. ಮುಂದೆ ಏನು ನಡೆಯುತ್ತದೆ ಎಂಬುದೇ ‘ದೃಷ್ಟಿ’ಯ ಕಥೆ.