ಇದೇ ತಿಂಗಳಲ್ಲಿ ತೆರೆಗೆ ಬರಲಿದೆ ಹಾರರ್ ವಜ್ರಮುಖಿ

ಸಿಗಂಧೂರು ಶ್ರೀ ಚೌಡೇಶ್ವರಿ ಮಹಿಮೆ ಚಿತ್ರವನ್ನು ನಿರ್ಮಾಣ
ಮಾಡಿದ್ದ ಶಶಿಕುಮಾರ್.ಪಿ.ಎಮ್ ಅವರು ನಿರ್ಮಿಸಿರುವ
ಹಾರರ್ /ಥ್ರಿಲ್ಲರ್ ಕಥೆಯಿರುವ ವಜ್ರಮುಖಿ ಚಿತ್ರವು ಇದೇ
ತಿಂಗಳಲ್ಲಿ ತೆರೆಗೆ ಬರಲು ಸಜ್ಜಾಗಿದೆ. ಗಾಳಿಪಟ ದ ನೀತೂ ಈ
ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಬಹಳ ವರ್ಷಗಳ
ನಂತರ ರೋಡ್ ರೋಮಿಯೋ ಖ್ಯಾತಿಯ ದಿಲೀಪ್ ಪೈ ಅವರು
ಈ ಚಿತ್ರದಲ್ಲಿ ನಟಿಸಿರುವುದು ವಿಶೇಷ. ಹಾರರ್ ಕಥೆಯ ಒಳಗೆ
ನವಿರಾದ ಪ್ರೇಮಕಥೆಯೊಂದು ಇದ್ದು ಎನ್.ಆದಿತ್ಯ ಕುಣಿಗಲ್
ಎಂಬುವವರು ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಇನ್ನು ಈ ಚಿತ್ರಕ್ಕೆ
ರಾಜ್ ಭಾಸ್ಕರ್ ಅವರು ಸಂಗೀತ ಸಂಯೋಜನೆ ಮಾಡಿದ್ದು ಈ ಚಿತ್ರದ
ಹಾಡುಗಳನ್ನು ಲಹರಿ ಆಡಿಯೋದವರು ಹೊರತಂದಿದ್ದಾರೆ.