ಇಂದಿನಿಂದ ರಾಜ್ಯಾದ್ಯಂತ ತೆರೆಗೆ ಬರುತ್ತಿದೆ ನಾನು ಮತ್ತು ಗುಂಡ
ಕಾಮಿಡಿ ಕಿಲಾಡಿಗಳು ಮೂಲಕ ಕನ್ನಡಿಗರ ಮನಗೆದ್ದ ಶಿವರಾಜ್
ಕೆ.ಆರ್.ಪೇಟೆ ಶಿವರಾಜ್ ಮೊದಲಬಾರಿಗೆ ನಾಯಕನಾಗಿ ನಟಿಸಿರುವ
ನಾನು ಮತ್ತು ಗುಂಡ ಚಿತ್ರವು ಇಂದಿನಿಂದ ಬಿಡುಗಡೆಯಾಗಲಿದೆ.
ಶ್ರೀನಿವಾಸ್ ತಿಮ್ಮಯ್ಯ ಅವರು ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ.
ಶಿವರಾಜ್ ಅವರಿಗೆ ಜೋಡಿಯಾಗಿ ಸಂಯುಕ್ತಾ ಹೊರನಾಡು ಅವರು
ನಟಿಸಿದ್ದಾರೆ. ಪೊಯಮ್ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ರಘು ಹಾಸನ್
ಅವರು ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. ಕಾರ್ತಿಕ್ ಶರ್ಮಾ ಅವರ
ಸಂಗೀತ ಸಂಯೋಜನೆ ಈ ಚಿತ್ರಕ್ಕಿದೆ. ಈ ಚಿತ್ರದ ಮತ್ತೊಂದು
ವಿಶೇಷವೆಂದರೆ ನಾಯಿಯೊಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು
ಕಥೆಯು ನಾಯಿ ಸುತ್ತ ಸುತ್ತಲಿದೆಯಂತೆ.
