ಕರೋನ ನಂತರ ಸಿನೆಮಾ ಗಳು ಸಹ ಬಿಡುಗಡೆಯಾಗುತ್ತಿದ್ದು, ಚಿತ್ರರಂಗದಲ್ಲಿ ಖುಷಿಯ ವಾತಾವರಣ ಮನೆ ಮಾಡಿದೆ. ಪ್ರತಿ ವಾರದಂತೆ ಈ ವಾರವೂ ಸಹ ಬಿಡುಗಡೆಯಾಗುತ್ತಿರುವ ಕನ್ನಡ ಸಿನೆಮಾಗಳ ಪಟ್ಟಿಯಲ್ಲಿ ನಾನೊಂಥರ ಸಿನೆಮಾ ಸಹ ರೆಡಿ ಯಾಗಿದೆ.
ಹೊಸಬರ ಹೊಸ ಪ್ರಯತ್ನದ ಸಿನೆಮಾ ನಾನೊಂಥರ ದಲ್ಲಿ ತಂದೆ-ಮಗನ ಬಾಂಧವ್ಯದ ಸುತ್ತ ಕಥೆ ಹೋಗುತ್ತೆ. ನಾಯಕ ತಾರಖ್ಗೆ ಆತನ ಜೀವನದಲ್ಲಿ ನಡೆದಂಥ ಒಂದು ದುರ್ಘಟನೆ ಆತನನ್ನು ಮದ್ಯವ್ಯಸನಿಯನ್ನಾಗಿ ಮಾಡುತ್ತದೆ. ಅಲ್ಲಿಂದ ಕಥೆ ಯಾವ ಕಡೆ ತಿರುಗುತ್ತದೆ ಎಂಬುದಕ್ಕೆ ಸಿನೆಮಾ ನೋಡಬೇಕು.
ರಮೇಶ್ ಕಗ್ಗಲ್ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡಿರುವ ಈ ಚಿತ್ರದಲ್ಲಿ ತಾರಖ್ ಅವರು ನಾಯಕನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಜೊತೆಗೆ ಜೈಸಸ್ ಮತ್ತು ರಕ್ಷಕ ಅಭಿನಯಿಸಿದ್ದು, ಡಾ.ಜಾಕ್ಲಿನ್ ಫ್ರಾನ್ಸಿಸ್ ಸಿನಿಮಾ ಕ್ಕೆ ಬಂಡವಾಳ ಹೂಡಿದ್ದಾರೆ. ಸುನಿಲ್ ಸಾಮ್ಯುಯಲ್ ಈ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಸುನಿರಾಜ್ ಚಿತ್ರದ ಸಾಹಿತ್ಯ ಸಂಭಾಷಣೆ ರಚಿಸಿದ್ದಾರೆ. ಈ ವಾರ ತೆರೆ ಕಾಣುತ್ತಿರುವ ಈ ಸಿನೆಮಾ ಗೆಲ್ಲಲಿ ಎಂಬುದು ನಮ್ ಆಶಯ.
