ಕೋಟಿ ಬಾಚಿದ ‘ಕೆಜಿಎಫ್’ ಆಡಿಯೋ..!!!

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ‘ಕೆಜಿಎಫ್’ ಸಿನಿಮಾ ಡಿಸೆಂಬರ್ 12ಕ್ಕೆ ಜಗತ್ತಿನಾದ್ಯಂತ ಬಿಡುಗಡೆಯಾಗಲಿದೆ. ಈಗಾಗಲೇ ಟ್ರೈಲರ್ ಮೂಲಕ ದಾಖಲೆ ಮಾಡಿದ ‘ಕೆಜಿಎಫ್’ ಇಂದು ಮೊದಲ ಹಾಡನ್ನು ರಿಲೀಸ್ ಮಾಡಲು ತಯಾರಿ ನಡೆಸಿದೆ. ‘ಕೆಜಿಎಫ್’ ಆಡಿಯೋ ಹಕ್ಕು ಭಾರೀ ಮೊತ್ತಕ್ಕೆ ಸೇಲ್ ಆಗಿದೆ. ಇದು ಕನ್ನಡ ಚಿತ್ರರಂಗದ ಮಟ್ಟಿಗೆ ದೊಡ್ಡ ದಾಖಲೆ. ಪ್ರತಿಯೊಂದು ಹಂತದಲ್ಲೂ ಕೋಟಿ ಕೋಟಿ ಬಾಚುತ್ತಿರುವ ‘ಕೆಜಿಎಫ್’ ಐದು ಭಾಷೆಯಲ್ಲಿ ಮೂಡಿ ಬರಲಿದು, ಹಿಂದಿ ಹೊರತುಪಡಿಸಿ ನಾಲ್ಕು ಭಾಷೆಯ ಆಡಿಯೋ ಹಕ್ಕನ್ನು ಲಹರಿ ಮ್ಯೂಸಿಕ್ ಕೊಂಡುಕೊಂಡಿದೆ. ‘ಕೆಜಿಎಫ್’ ಬರೋಬ್ಬರಿ 3.6 ಕೋಟಿಗೆ ಮಾರಾಟವಾಗಿದೆ ಎನ್ನಲಾಗಿದ್ದು, ‘ಕೆಜಿಎಫ್’ ಐದು ಭಾಷೆಗಳಲ್ಲಿ ಜಗತ್ತಿನಾದ್ಯಂತ ಸಿನಿಮಾ ಬರಲಿದ್ದು, 100ಕೋಟಿ ಗಡಿ ದಾಟಲಿದೆ.