ಇದೇ ತಿಂಗಳ 21ರಿಂದ ನಿರೀಕ್ಷೇ ಹುಟ್ಟು ಹಾಕಿರುವ ಹಫ್ತಾ ತೆರೆಗೆ

ಟ್ರೈಲರ್ ಮೂಲಕ ಕುತೂಹಲ ಹುಟ್ಟಿಸಿರುವ ಹಫ್ತಾ ಚಿತ್ರವು ಮುಂದಿನ
ವಾರ ತೆರೆಕಾಣಲು ಸಿದ್ದವಾಗಿದೆ. ಇದೇ ಮೊದಲಬಾರಿಗೆ ವರ್ಧನ್ ತೀರ್ಥಹಳ್ಳಿ
ನಾಯಕನಾಗಿ ಕಾಣಿಸಿಕೊಂಡಿರುವ ಈ ಚಿತ್ರವನ್ನು ಪ್ರಕಾಶ್ ಹೆಬ್ಬಾಳ ಅವರು
ನಿರ್ದೇಶನ ಮಾಡಿದ್ದಾರೆ. ಈಗಾಗಲೇ ಸ್ಯಾಂಡಲ್ ವುಡ್ ನ ಸ್ಟಾರ್ ನಟರು
ಹಾಗೂ ತಂತ್ರಜ್ಞರೆಲ್ಲ ಚಿತ್ರದ ಟ್ರೈಲರ್ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿ
ಚಿತ್ರತಂಡಕ್ಕೆ ಶುಭಹಾರೈಸಿದ್ದಾರೆ‌. ಇನ್ನು ಈ ಚಿತ್ರದಲ್ಲಿ ಗೂಳಿಹಟ್ಟಿ ರಾಘವ್
ಸಹ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಗೌತಮ್ ಶ್ರೀವತ್ಸ ಹಾಗೂ ವಿಜಯ್ ಯಾರ್ಡ್ಲಿ ಅವರ ಸಂಗೀತ ಸಂಯೋಜನೆ ಈ ಚಿತ್ರಕ್ಕಿದೆ. ಈ ಚಿತ್ರದ ಟ್ರೈಲರ್ ನೋಡಿದರೆ ನಿರ್ದೇಶಕ ಪ್ರಕಾಶ್ ಹೆಬ್ಬಾಳ ಅವರದು ಇದು ಮೊದಲನೇ
ಸಿನಿಮಾ ಅಂತ ನಂಬೋದು ಕಷ್ಟ ಆ ಮಟ್ಟಕ್ಕೆ ಟ್ರೈಲರ್ ಮೂಡಿಬಂದಿದ್ದು
ಸಿನಿಪ್ರಿಯರಲ್ಲಿ ಕುತೂಹಲ ಹುಟ್ಟು ಹಾಕಿದೆ. ಬೆಂಗಳೂರಿನ ಅನುಪಮ ಸೇರಿದಂತೆ ರಾಜ್ಯಾದ್ಯಂತ ಚಿತ್ರವು ಮುಂದಿನ ಶುಕ್ರವಾರದಿಂದ ತೆರೆಗೆ ಬರುತ್ತಿದೆ.