ಫಸ್ಟ್ ಲುಕ್ ಪೋಸ್ಟರ್ ಮೂಲಕ ಸುದ್ದಿ ಮಾಡುತ್ತಿದೆ “ರಿವೈಂಡು”

ಫಸ್ಟ್ ಲುಕ್ ಪೋಸ್ಟರ್ ಮೂಲಕ ಸುದ್ದಿ ಮಾಡುತ್ತಿದೆ “ರಿವೈಂಡು” ರಿವೈಂಡ್ ಹೀಗೊಂದು ಶೀರ್ಷಿಕೆಯಿರುವ ಸಿನಿಮಾದ ಫಸ್ಟ್ ಲುಕ್ ಪೋಸ್ಟರ್ ಗಳು ನೆನ್ನೆಯಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿ ಮಾಡುತ್ತಾ ಹರಿದಾಡುತ್ತಿವೆ. ತೇಜ್ ಎಂಬುವ ಯುವನಟ ಮೊದಲ ಬಾರಿಗೆ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅಷ್ಟೇ ಅಲ್ಲದೇ ಅವರೇ ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿರುವುದು ವಿಶೇಷ. ಪನರೋಮಿಕ್ ಸ್ಟೂಡಿಯೋಸ್ ಬ್ಯಾನರ್ ಅಡಿಯಲ್ಲಿ ವಿನೋದ್ ಎಂಬುವವರು ಈ ಚಿತ್ರವನ್ನು ನಿರ್ಮಾಣ ಮಾಡಲಿದ್ದಾರೆ. ಈಗಾಗಲೇ ಹಲವು ಭಾಷೆಗಳಲ್ಲಿ ನಟಿಸಿದ್ದ ತೇಜ್ ಅವರು ಮೊದಲಬಾರಿಗೆ ಈ ಚಿತ್ರದಲ್ಲಿ ನಾಯಕನಾಗಿ
ಕಾಣಿಸಿಕೊಳ್ಳಲಿದ್ದಾರೆ. ಇದಕ್ಕಾಗಿ ತಮ್ಮ ದೇಹ ದಂಡಿಸಿ ಸಿಕ್ಸ್ ಪ್ಯಾಕ್ ಮಾಡಿರುವ ತೇಜ್ ಅವರ ಪೂರ್ವ ತಯಾರಿಯೊಂದಿಗೆ ಅಖಾಡಕ್ಕೆ ಇಳಿದಿದ್ದಾರೆ. ಬೆಂಗಳೂರು ಜರ್ಮನಿ, ಸಿಂಗಾಪುರ್ ಸೇರಿದಂತೆ ವಿದೇಶಗಳಲ್ಲಿ
ಚಿತ್ರೀಕರಣ ಮಾಡಲಿದ್ದಾರಂತೆ. ಚಿತ್ರದಲ್ಲಿ ತೇಜ್ ಅವರಿಗೆ ಜೋಡಿಯಾಗಿ ಚಂದನ ರಾಘವೇಂದ್ರ ಎಂಬುವವರು ಕಾಣಿಸಿಕೊಳ್ಳಲಿದ್ದಾರೆ‌.ಚಿತ್ರರಂಗದ ಹಲವಾರು ಗಣ್ಯರು ಕಲಾವಿದರು ತಂತ್ರಜ್ಞರು ಚಿತ್ರತಂಡಕ್ಕೆ ಶುಭಕೋರಿದ್ದಾರೆ.
ಇನ್ನುಳಿದಂತೆ ಸಬೀಶ್ ಸೊಲೋಮನ್ ಅವರ ಸಂಗೀತ ಸಂಯೋಜನೆ, ಪ್ರೇಮ್ ಎಂಬುವವರ ಛಾಯಗ್ರಹಣ, ವಿನೋದ್ ಬಸವರಾಜ್ ಎಂಬುವವರ ಸಂಕಲನ ಈ ಚಿತ್ರಕ್ಕಿದೆ‌. ಡಾ.ನಾಗೇಂದ್ರ ಪ್ರಸಾದ್ ಹಾಗೂ ಮಂಜು.ಎಂ.ದೊಡ್ಡಮನಿ ಅವರು ಈ ಚಿತ್ರದ ಹಾಡುಗಳಿವೆ ಸಾಹಿತ್ಯ ಬರೆಯಲಿದ್ದಾರೆ.