ಉದ್ಯಮಿ ವಿಜಯ ಸಂಕೇಶ್ವರ ಬಯೋಪಿಕ್ | ಟ್ರಂಕ್ ಖ್ಯಾತಿಯ ರಿಷಿಕಾ ಶರ್ಮಾ ಆಕ್ಷನ್ ಕಟ್

Published on

August 2, 2021 416 Views

Harish Arasu

ಕನ್ನಡದ‌ ಖ್ಯಾತ ಉದ್ಯಮಿ ವಿಆರ್ ಎಲ್ ಸಮೂಹದ ವಿಜಯ ಸಂಕೇಶ್ವರ್ ಅವರ ಬಯೋಪಿಕ್ ಮಾಡಲು ಸಾಕಷ್ಟು ಮಾಹಿತಿ ಕಲೆ ಹಾಕಿರುವ ನಿರ್ದೇಶಕಿ ರಿಷಿಕಾ ಶರ್ಮ ಈಗ ಆ ಚಿತ್ರ ಕೈಗೆತ್ತಿಕೊಂಡಿದ್ದಾರೆ. ವಿಶೇಷ ಅಂದ್ರೆ ಈ ಸಿನಿಮಾ ಮೂಲಕ ವಿ ಆರ್ ಎಲ್ ಸಿನಿಮಾ ನಿರ್ಮಾಣಕ್ಕೂ ಕಾಲಿಟ್ಟಿದೆ. ಚಿತ್ರದಲ್ಲಿ ನಿಹಾಲ್ ಅವರು ವಿಜಯ್ ಸಂಕೇಶ್ವರ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸದ್ಯ ತಾಂತ್ತಿಕ ವರ್ಗದ ಆಯ್ಕೆ ಹಾಗು ಕಲಾವಿದರ ಆಯ್ಕೆ ನಡೆಯುತ್ತಿದೆ.

ಟ್ರಂಕ್ ಸಿನಿಮಾ ಮೂಲಕ ಕನ್ನಡಿಗರ ಮನೆ ಮಾತಾಗಿದ್ದ ನಿಹಾಲ್ ಮತ್ತು ರಿಷಿಕಾ ಶರ್ಮಾ ಮತ್ತೆ ಒಂದಾಗಿ ಬಯೋಪಿಕ್ ಮಾಡ್ತಾವ್ರೆ. ಕಡಲ ತೀರದ ಭಾರ್ಗವ ಮಹಿರ ಚಿತ್ರಗಳ ಕ್ಯಾಮೆರಾಮೆನ್ ಕೀರ್ತನ ಪೂಜಾರಿ ಅವರ ಕ್ಯಾಮೆರಾ ಕೈಚಳಕ ಇಲ್ಲೂ ಸದ್ದು ಮಾಡಲಿದೆ. ಹಾಗೇನೇ ರಘು ನಿಡುವಳ್ಳಿ ಸಂಭಾಷಣೆ ಬರೆಯುತ್ತಿದ್ದಾರೆ. ಹೊಸತನದ ಪ್ರಯತ್ನಕ್ಕೆ ನಮ್ ಕಡೆಯಿಂದ ಶುಭ ಹಾರೈಕೆ.