ಅನುಷ್ಕಾಗೆ ಯಾವುದೇ ಡ್ರೀಮ್ ರೋಲ್ ಮಾಡುವ ಕನಸಿಲ್ಲವಂತೆ..!

Published on

June 6, 2018 303 Views

ಪ್ರತಿಯೊಬ್ಬ ನಟ/ನಟಿಗೂ ತಮ್ಮ ಸಿನಿ ಕರಿಯರ್‌‌ನಲ್ಲಿ ಇಂತಹದ್ದೇ ಒಂದು ಪಾತ್ರ ಮಾಡಲೇಬೇಕು ಎನ್ನುವ ಕನಸಿರುತ್ತದೆ. ಅದಕ್ಕಾಗಿ ಅವರು ಪಡುವ ಶ್ರಮ ಅಷ್ಟಿಷ್ಟಲ್ಲ. ಒಂದು ವೇಳೆ ತಮ್ಮ ಡ್ರೀಮ್ ರೋಲ್ ಮಾಡುವ ಅವಕಾಶ ದೊರೆತರೆ ಅವರ ಸಂತೋಷಕ್ಕೆ ಪಾರವೇ ಇರುವುದಿಲ್ಲ.

ಆದ್ರೆ ಟಾಲಿವುಡ್‌‌‌ನಲ್ಲಿ ತನ್ನದೇ ಛಾಪು ಮೂಡಿಸಿರುವ ಮಂಗಳೂರು ಬ್ಯೂಟಿ ಅನುಷ್ಕಾಗೆ ಯಾವುದೇ ಡ್ರೀಮ್ ರೋಲ್ ಇಲ್ಲವಂತೆ. ಹೀಗೆನ್ನುವ ಮೂಲಕ ಸಾಮಾನ್ಯ ಜನರಲ್ಲಿ ಮಾತ್ರವಲ್ಲ, ಸೆಲಬ್ರಿಟಿಗಳಲ್ಲೂ ಆಶ್ಚರ್ಯ ಉಂಟು ಮಾಡಿದ್ದಾರೆ. ಅನುಷ್ಕಾ ಹೇಳುವ ಪ್ರಕಾರ ‘ನಟರಿಗಿಂತ ನಟಿಯರಲ್ಲಿ ಇಂತ ಕನಸಿರುತ್ತದೆ. ತಮ್ಮ ಕರಿಯರ್‌‌ನ ಉದ್ದಕ್ಕೂ ಅದೊಂದು ಕ್ಷಣಕ್ಕಾಗಿ ಎಲ್ಲರೂ ಕಾದಿರುತ್ತಾರೆ. ಆದರೆ ಅದೊಂದು ಪಾತ್ರಕ್ಕಾಗಿ ಕಾಯುವ ಬದಲು ಸಿಕ್ಕ ರೋಲ್‌‌ಗಳನ್ನು ಚಾಲೆಂಜ್ ಆಗಿ ಸ್ವೀಕರಿಸಿ ಅಭಿನಯಿಸಬೇಕು’ ಎಂದಿದ್ದಾರೆ.

ಒಂದು ವೇಳೆ ತಮ್ಮ ಕನಸಿನ ಪಾತ್ರಕ್ಕಾಗಿ ಕಾಯುತ್ತಾ ಕುಳಿತರೆ ಇತರ ಪಾತ್ರಗಳನ್ನು ಆಯ್ಕೆ ಮಾಡಿಕೊಳ್ಳುವಲ್ಲಿ ನಾವು ಆಸಕ್ತಿ ತೋರುವುದಿಲ್ಲ. ಬಂದ ಅವಕಾಶವನ್ನು ಕಳೆದುಕೊಂಡಂತಾಗುತ್ತದೆ ಎನ್ನುತ್ತಾರೆ ಅನುಷ್ಕಾ ಶೆಟ್ಟಿ.