ಉದಯ ಟಿವಿಯ ಬಂಪರ್ ಅವಕಾಶ “ಆನ್ಸರ್ ಹೇಳಿ ಕ್ಯಾಶ್ ಗೆಲ್ಲಿ”

ಪ್ರತಿಯೊಂದು ಧಾರಾವಾಹಿಯಲ್ಲೂ ವಿಭಿನ್ನ ಕಥಾಹಂದರಗಳೊಂದಿಗೆ ವೀಕ್ಷಕರ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ ಉದಯ ಟಿವಿ. ಬದಲಾಗಿದೆ ಸಮಯ ಬದಲಾಗ್ತಿದೆ ಉದಯ ಅನ್ನೊ ಧ್ಯೇಯವಾಕ್ಯದೊಂದಿಗೆ ತನ್ನ ಧಾರಾವಾಹಿಗಳ ಸಂಚಿಕೆಗಳಲ್ಲಿ ಹಲವಾರು ರೋಚಕ ತಿರುವುಗಳನ್ನು ವೀಕ್ಷಕರ ಮುಂದೆ ತರುವ ಉತ್ಸುಕದಲ್ಲಿದೆ. ಇವೆಲ್ಲದರ ನಡುವೆÀ ಪ್ರೇಕ್ಷಕರನ್ನ ತನ್ನತ್ತ ಸೆಳೆಯುವಲ್ಲಿ ಸದಾ ಮುಂಚೂಣಿಯಲ್ಲಿರುವ ಉದಯ ಟಿವಿಯು ಈಗ ಪ್ರೀತಿಯ ವೀಕ್ಷಕರಿಗೆ ಸಿಹಿ ಸುದ್ದಿಯೊಂದನ್ನು ನೀಡುತ್ತಿದೆ.

ಮನರಂಜನೆಯ ಹಿರಿಯಣ್ಣ ಅನ್ನೋ ಹೆಗ್ಗಳಿಕೆಗೆ ಅನುಗುಣವಾಗುವಂತೆ, ಈ ಲಾಕ್ಡೌನ್ ಸಮಯದಲ್ಲಿ ಸಖತ್ ಮನರಂಜನೆ ಜೊತೆ ಝಣ ಝಣ ಕಾಂಚಾಣ ಗೆಲ್ಲೊ ಬಂಪರ್ ಅವಕಾಶ ತಂದಿದೆ ಉದಯ ಟಿವಿ. ಮನೆಯಲ್ಲಿಯೇ ಕುಳಿತು ಮನರಂಜನೆ ಜೊತೆ, ಪ್ರತಿದಿನ ಲಕ್ಷಾಂತರ ರೂಪಾಯಿ ಕ್ಯಾಶ್ ಕೂಡ ನಿಮ್ಮದಾಗಿಸಿಕೊಳ್ಳಬಹುದು. ಇನ್ಮುಂದೆ ನೀವು ನೋಡೊ ಧಾರಾವಾಹಿಗಳನ್ನ ಹೆಚ್ಚು ಗಮನ ಇಟ್ಟು ನೋಡ್ಬೇಕು. ಯಾಕಂದ್ರೆ, ಪ್ರತೀ ಧಾರಾವಾಹಿಯಲ್ಲಿ ಕ್ಯಾಶ್ ಗೆಲ್ಲೋ ಹೊಸ ಕಾಂಟೆಸ್ಟ್ ಶುರುವಾಗ್ತಿದೆ, “ಆನ್ಸರ್ ಹೇಳಿ ಕ್ಯಾಶ್ ಗೆಲ್ಲಿ”. ಧಾರಾವಾಹಿ ಮಧ್ಯದಲ್ಲಿ ಉದಯ ಟಿವಿ ಕೇಳುವ ಸಿಂಪಲ್ ಪ್ರಶ್ನೆಗೆ ಸರಿ ಉತ್ತರ ನೀಡಿ ನಗದು ಬಹುಮಾನ ನಿಮ್ಮದಾಗಿಸಿಕೊಳ್ಳಿ. ದಿನಕ್ಕೆ ಕೇವಲ 8 ಪ್ರಶ್ನೆ, ಗೆಲ್ಲಬಹುದಾದ ಒಟ್ಟು ಮೊತ್ತ ವಾರಕ್ಕೆ 8 ಲಕ್ಷ. ಈ ನಗದುಭರಿತ ಮನರಂಜನೆಯ ಆಟ ಶುರುವಾಗೋದು ಇದೇ ಜುಲೈ 27ರಿಂದ.

ಸೋಮವಾರದಿಂದ ಶುಕ್ರವಾರ ಸಂಜೆ 6 ರಿಂದ 10 ರವರೆಗೆ ಉದಯ ಟಿವಿಯಲ್ಲಿ ಈ ಕಾಂಟೆಸ್ಟ್ ನಡೆಯಲಿದ್ದು, ಪ್ರೇಕ್ಷಕರಿಗೆ ಪ್ರತಿದಿನ ಪ್ರತಿಯೊಂದು ಧಾರಾವಾಹಿಯಲ್ಲೂ ಸನ್ನಿವೇಶಕ್ಕೆ ಅನುಗುಣವಾಗಿ ಸರಳ ಪ್ರಶ್ನೆಗಳನ್ನು ಕೇಳಲಾಗುತ್ತದೆ. ನಿಗದಿತ ಸಮಯದಲ್ಲಿ ಪ್ರೇಕ್ಷಕರು ಪ್ರಶ್ನೆಗೆ ಉತ್ತರಿಸಬೇಕಾಗುತ್ತದೆ. ಒಂದು ಪ್ರಶ್ನೆಗೆ 20ರಂತೆ ಪ್ರತಿದಿನ 160 ವಿಜೇತರನ್ನ ಆಯ್ಕೆ ಮಾಡಲಾಗುತ್ತದೆ. ಆಯ್ಕೆಯಾದ ಅದೃಷ್ಟಶಾಲಿ ವಿಜೇತರ ಪಟ್ಟಿಯನ್ನು ಮರುದಿನ ಘೋಷಿಸಲಾಗುತ್ತದೆ. ಪ್ರತಿನಿತ್ಯ ಲಕ್ಷಕ್ಕೂ ಹೆಚ್ಚಿನ ನಗದು ಗೆಲ್ಲೋ ಅವಕಾಶವಿದ್ದೂ, ಗರಿಷ್ಠ ಮೊತ್ತ ವಾರಕ್ಕೆ 8 ಲಕ್ಷ ರೂಪಾಯಿ ಆಗಿರುತ್ತೆ.

ಈ ಕಾಂಟೆಸ್ಟ್‍ನಲ್ಲಿ ಭಾಗವಹಿಸಲು ಎಲ್ಲರಗೂ ಮುಕ್ತ ಅವಕಾಶವಿದೆ. ಪ್ರತಿದಿನ ಉದಯ ಟಿವಿಯ ಧಾರಾವಾಹಿಗಳನ್ನು ನೋಡಿ ಆನ್ಸರ್ ಹೇಳಿ ಕ್ಯಾಶ್ ಗೆಲ್ಲಿ.