ಅಂಬಿ ನಿಂಗ್ ವಯಸ್ಸಾಯ್ತೋ!

ರೆಬೆಲ್ ಸ್ಟಾರ್ ಅಂಬರೀಶ್ ಅವರು ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿರುವ ಚಿತ್ರ ‘ಅಂಬಿ ನಿಂಗೆ‌ ವಯಸ್ಸಾಯ್ತೋ ‘ ಚಿತ್ರದಲ್ಲಿ ಹಳ್ಳಿ ಪ್ರೇಮಿಗಳಾಗಿ ಸುದೀಪ್ ‌,ಶೃತಿ ಹರಿಹರನ್ ನಟಿಸಿದ್ದಾರೆ. ಇದೇ ಮೊದಲ ಬಾರಿಗೆ ಸುದೀಪ್ ರೈತನಾಗಿ ,ಹಳ್ಳಿ ಯುವಕನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಗ್ಲಾಮರಸ್ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಶೃತಿ‌ ಹರಿಹರನ್ ಇಲ್ಲಿ ಲಂಗ ದಾವಣಿ‌ ತೊಟ್ಟು ಹಳ್ಳಿ ‌ಹುಡುಗಿ ಲುಕ್ ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ‘ ಅಂಬಿ ನಿಂಗೆ ವಯಸ್ಸಾಯ್ತೋ’ ಎರಡು‌ ಕಾಲಘಟ್ಟದಲ್ಲಿ‌ ನಡೆಯುವ‌ ಸಿನಿಮಾ ಎಪ್ಪತ್ತು- ಎಂಭತ್ತರ ದಶಕದಲ್ಲಿ ಒಂದು‌ ಕಥೆ ಸಾಗಿದರೆ, ಮತ್ತೊಂದು ಕಥೆ ಪ್ರಸ್ತುತ ಕಾಲಮಾನದಲ್ಲಿ ಬಿಚ್ಚಿಕೊಳ್ಳುತ್ತದೆ. ತಮಿಳಿನಲ್ಲಿ‌ ಧನುಷ್ ನಿರ್ದೇಶನ ಮಾಡಿ, ನಿರ್ಮಾಣ ಮಾಡಿ ತಾನು‌ ಅಭಿನಯಿಸಿರುವ ‘ ಪಾ.ಪಾಂಡಿ’ ಚಿತ್ರವನ್ನೇ ಕನ್ನಡಕ್ಕೆ ರಿಮೇಕ್ ಮಾಡಲಾಗಿದೆ. ಅಲ್ಲಿ ಧನುಷ್ ಮಾಡಿದ ಪಾತ್ರವನ್ನು‌ ಇಲ್ಲಿ ಸುದೀಪ್ ಮಾಡಲಿದ್ದಾರೆ. ಕನ್ನಡದ ನೇಟಿವಿಟಿಗೆ ತಕ್ಕಂತೆ ಮಾಡಿಕೊಂಡ ಸುದೀಪ್ , ಗುರುದತ್ ಗಣಿಗ‌ರವರಿಂದ ಸಿನಿಮಾ ಮಾಡಿಸಿದ್ದಾರೆ. ಈಗಾಗಲೇ ಚಿತ್ರದ ಪೋಸ್ಟರ್ ಬಿಡುಗಡೆಯಾಗಿದ್ದು, ಸದ್ಯದಲ್ಲೇ ಸಿನಿಮಾ ತೆರೆಗೆ ಬರಲಿದೆ. ಇಲ್ಲಿ ಅಂಬರೀಶ್ ಅವರಿಗೆ‌ ಜೋಡಿಯಾಗಿ‌ ಸುಹಾಸಿನಿ‌ ಅವರು‌ ಕಾಣಿಸಿಕೊಳ್ಳಲಿದ್ದಾರೆ.