“ಸ್ನೇಹಿತ”ನಾಗಿ ಸೆಕೆಂಡ್ ಇನ್ನಿಂಗ್ಸ್ ಆರಂಭಿಸಲಿದ್ದಾರೆ ನಟ ಧನುಷ್

Published on

April 27, 2019 335 Views

Venkatesh Mantesh

ಕೊಟ್ಲಲ್ಲಪ್ಪೋ ಕೈ ಗೋಲ್ ಗುಂಬಜ್ ಸೇರಿದಂತೆ ಒಂದಷ್ಟು ಚಿತ್ರಗಳಲ್ಲಿ ನಾಯಕನಾಗಿ ನಟಿಸಿದ್ದ ನಟ ಧನುಷ್ ಅವರು ಸ್ನೇಹಿತ ಚಿತ್ರದ ಮೂಲಕ ಎರಡನೇ ಇನ್ನಿಂಗ್ಸ್ ಶುರು ಮಾಡಿದ್ದಾರೆ. ಶಿವರಾಜ್ ಕುಮಾರ್ ಅವರ
ಮಾಸ್ ಲೀಡರ್ ಚಿತ್ರದಲ್ಲಿ ಒಂದು ಪಾತ್ರದಲ್ಲಿ ನಟಿಸಿದ್ದ ಇವರು ಅಭಿನಯಿಸಿದ ಕೊನೆಯ ಚಿತ್ರವದು. ಸದ್ಯ ಧನುಷ್ ಅವರು ನಾಯಕನಾಗಿ ಸ್ನೇಹಿತ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದು ಚಿತ್ರೀಕರಣ ಅಂತಿಮ ಹಂತದತ್ತ ಸಾಗುತ್ತಿದೆ. ಈ ಚಿತ್ರವನ್ನು ಕಥೆ ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ ಸಂಗೀತ ಸಾಗರ್ ಅವರು.

ರೋಜಾ ಫಿಲಂಸ್ ಬ್ಯಾನರ್ ಅಡಿಯಲ್ಲಿ ಅಶೋಕ್ ಎಂಬುವವರು ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.
ಬಾಬು ಭಗವತ್ ಅವರ ಛಾಯಗ್ರಹಣ ಈ ಚಿತ್ರಕ್ಕಿದೆ. ಚಿತ್ರದಲ್ಲಿ ಮೈ ನವಿರೇಳಿಸುವ ಸಾಹಸ ದೃಶ್ಯಗಳು ಸಹ ಇರಲಿವೆಯಂತೆ.ಧನುಷ್ ಅವರಿಗೆ ಜೋಡಿಯಾಗಿ ಸುಲಕ್ಷಾ ಖೈರಾ ಎಂಬ ಉದಯೋನ್ಮುಖ ನಟಿ
ಕಾಣಿಸಿಕೊಂಡಿದ್ದಾರೆ ಮೇ ತಿಂಗಳಲ್ಲಿ ಸ್ನೇಹಿತ ಚಿತ್ರದ ಫಸ್ಟ್ ಲುಕ್ ಟೀಸರ್ ಬಿಡುಗಡೆಯಾಗಲಿದೆ.