ಜನಮನ ಗೆದ್ದ ಪೋಸ್ಟರ್ ‘ಲೌಡ್ ಸ್ಪೀಕರ್’
ಮಳೆ ಚಿತ್ರದ ನಿರ್ದೇಶಕ ಶಿವತೇಜಸ್ ನಿರ್ದೇಶನ ದಲ್ಲಿ ಮೂಡಿಬರುತ್ತಿರುವ ಚಿತ್ರ ‘ಲೌಡ್ ಸ್ಪೀಕರ್’ . ‘ ಲೌಡ್ ಸ್ಪೀಕರ್’ ಚಿತ್ರತಂಡ ಒಂದು ವಿನೂತನ ಪ್ರಯೋಗವನ್ನು ಕೈಗೆತ್ತಿಕೊಂಡು ಜನರ ನಡುವೆ ತಮ್ಮ ಚಿತ್ರದ ಪೋಸ್ಟರ್ ನ್ನು ಅನಾವರಣಗೊಳಿಸಿದ್ದಾರೆ. ಜನರಿಂದ ಒಳ್ಳೆ ಪ್ರತಿಕ್ರಿಯೆ ಬಂದಿದೆ. ಚಿತ್ರದ ಪಸ್ಟ್ ಲುಕ್ ಪೋಸ್ಟರ್ ನ್ನು ಅಜೇಯ್ ರಾವ್ ಬಿಡುಗಡೆ ಮಾಡಿದ್ದು, ಅದಕ್ಕೆ ಸಿಕ್ಕ ಪ್ರತಿಕ್ರಿಯೆಯಿಂದ ಇನ್ನೊಂದು ವಿನೂತನ ಪ್ರಯೋಗ ಮಾಡಿ ಜನರ ಮುಂದೆ ‘ ಲೌಡ್ ಸ್ಪೀಕರ್ ‘ ಚಿತ್ರದ ಎರಡನೇ ಪೋಸ್ಟರ್ ನ್ನು ಅನಾವರಣ ಮಾಡಿ ಜನರ ಪ್ರತಿಕ್ರಿಯೆ ನೋಡಿ ಚಿತ್ರತಂಡ ಫುಲ್ ಖುಷ್ ಆಗಿದೆ. ‘ ಲೌಡ್ ಸ್ಪೀಕರ್’ ಚಿತ್ರವೂ ರಾಜ್ ಪ್ರೊಡಕ್ಷನ್ ವೆಂಚರಸ್ ಬ್ಯಾನರ್ ಅಡಿಯಲ್ಲಿ ಮೂಡಿ ಬರಲಿದೆ. ಈ ಹಿಂದೆ ಶಿವತೇಜಸ್ ನಿರ್ದೇಶನದ ‘ಧೈರ್ಯಂ ‘ ಚಿತ್ರಕ್ಕೆ ಬಂಡವಾಳ ಹೂಡಿದ ಡಾ.ಕೆ.ರಾಜು ಅವರೇ ಈ ಚಿತ್ರ ಚಿತ್ರದ ನಿರ್ಮಾಣದ ಹೊಣೆ ಹೊತ್ತಿದ್ದಾರೆ. ಶಿವತೇಜಸ್ ರವರ ನಿರ್ದೇಶನದ ಮೂರನೇ ಚಿತ್ರ ‘ಲೌಡ್ ಸ್ಪೀಕರ್’ ಚಿತ್ರದಲ್ಲಿ ಹೊಸಬರಿಗೆ ಅವಕಾಶ ಕೊಟ್ಟು, ಹೊಸ ತಂಡವನ್ನು ಪರಿಚಯಿಸುತ್ತಿದ್ದಾರೆ. ಚಿತ್ರದಲ್ಲಿ ‘ ಶ್ರೀ ಮಾನ್ ಶ್ರೀಮತಿ’ ಸೀರಿಯಲ್ ಖ್ಯಾತಿಯ ನೀನಾಸಂ ಭಾಸ್ಕರ್ ಮತ್ತು ಅನುಷಾ ನಟಿಸಿದ್ದಾರೆ. ಹಾಗೂ ಅಭಿಷೇಕ್ , ಸುಮಂತ್ ಭಟ್ , ಕಾರ್ತೀಕ್ ರಾವ್ , ಕಾವ್ಯ ಶಾ, ದಿಶಾ ದಿನಕರ್ ಪ್ರಮುಖ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.
