ಸ್ಯಾಂಡಲ್ವುಡ್ ಖ್ಯಾತ ನಿರ್ಮಾಪಕ ಕೆ.ಮಂಜು ಹಣ ಪಡೆದು ವಂಚನೆ ಮಾಡಿರುವ ಆರೋಪದಲ್ಲಿ ಮಹಾದೇವಪುರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಐಪಿಸಿ ಸೆಕ್ಷನ್ 420, 506 ಮತ್ತು 34 ಅಡಿಯಲ್ಲಿ ಎಫ್ಐಆರ್ ಆಗಿದೆ.
2018 ರಲ್ಲಿ ರಾಜಗೋಪಾಲ್ ತಮ್ಮ ಜಾಮೀನು ಮಾರುತ್ತಿದ್ದರಂತೆ. ಈ ಜಮೀನು ಖರೀದಿಗೆ ದೂರು ಕೊಟ್ಟ ‘ಹೆಬ್ಬಟ್ ರಾಮಕ್ಕ’ ಸಿನಿಮಾ ನಿರ್ಮಾಪಕ ಪುಟ್ಟುರಾಜು ಆರ್ಟಿಟಿಎಸ್ ನಲ್ಲಿ ಹಣ ನೀಡಿದ್ದರಂತೆ, ರಾಜಗೋಪಾಲ್ ಗೆ ಅಡ್ವಾನ್ಸ್ ಹಣ ನೀಡಿದ್ದರು ಪುಟ್ಟುರಾಜು. ಅದರೆ ಆಗ ಕೆ.ಮಂಜು ಅಗ್ರಿಮೆಂಟ್ ಮಾಡಿಕೊಂಡಿದ್ದರಂತೆ. ಬಳಿಕ 4 ಮಂದಿ ಸೇರಿ ರಿಜಿಸ್ಟರ್ ಮಾಡಿಕೊಡುವುದಾಗಿ ಕೆ.ಮಂಜು ಹೇಳಿ ಹಣ ಪಡೆದಿದ್ದಾರೆ. ಹಣ ಪಡೆದು ವಾಪಸ್ಸು ನೀಡದೇ ವಂಚನೆ ಮಾಡಿದ್ದಾರೆ. ಹಣ ಕೇಳಿದ್ದಾರೆ ಜೀವ ಬೆದರಿಕೆ ಹಾಕ್ತಾರೆ ಎಂದು ನಿರ್ಮಾಪಕ ಪುಟ್ಟುರಾಜು ಆರೋಪ ಮಾಡಿದ್ದಾರೆ.
