ಸಿನಿಮಾ ನಿರ್ದೇಶನ, ಸಂಗೀತ ಸಂಯೋಜನೆ ಮಾಡಿ ಸೈ ಎನಿಸಿಕೊಂಡಿರುವ ಖ್ಯಾತ ಸಂಗೀತ ನಿರ್ದೇಶಕ ರವಿ ಬಸ್ರೂರು ತಮ್ಮ ಹುಟ್ಟೂರಿನಲ್ಲಿ ಹೊಸ ಮ್ಯೂಸಿಕ್ ಹೌಸ್ ನ್ನು ಮಾಡಿದ್ದಾರೆ. ಇದು ತಮ್ಮ ಊರಿನ ಸಿನಿ ಆಸಕ್ತರಿಗೆ ಸಿನಿ ಕಲಾವಿದರಿಗೆಂದೇ ಹೊಸ ಸ್ಟುಡಿಯೊಂದನ್ನು ನಿರ್ಮಿಸಿದ್ದಾರೆ. ಆ ಸ್ಟುಡಿಯೋ ಗೆ ‘ರವಿ ಬಸ್ರೂರ್ ಮ್ಯೂಸಿಕ್ ಆ್ಯಂಡ್ ಮೂವೀಸ್’ ಎಂದು ಹೆಸರು ಇಟ್ಟಿದ್ದಾರೆ.
https://fb.watch/2jnYwdgX76/
ಆ ಸ್ಟುಡಿಯೋದಲ್ಲಿ ಒಂದು ಚಿತ್ರಕ್ಕೆ ಬೇಕಾಗಿರುವ ವಿಡಿಯೋ ಶೂಟ್ ,ಡ್ರೋನ್ ಶೂಟ್, ವಿಡಿಯೋ ಕಾನ್ಸೆಪ್ಟ್ ಶೂಟ್, ವಿಡಿಯೋ ಎಡಿಟಿಂಗ್, ಕ್ಯಾಪ್ಷನ್ ರೈಟಿಂಗ್, ವಾಯ್ಸ್ ಓವರ್ ಎಲ್ಲ ಸವಲತ್ತುಗಳು ಈ ಸ್ಟುಡಿಯೋದಲ್ಲಿ ಇದೆಯಂತೆ. ಈ ಹಿಂದೆ ರವಿ ಬಸ್ರೂರ್ ಸಾಮಾಜಿಕ ಜಾಲತಾಣದಲ್ಲಿ ” ನಾ ಕಂಡ ಚಿಕ್ಕ ಕನಸು, ಹುಟ್ಟೂರಿನಲ್ಲಿ ನನಸಾಗುವ ಸಮಯ. ಕನಸು ಕಟ್ಟಿಕೊಳ್ಳಲು ಊರು ಬಿಡಬೇಕಾಗಿಲ್ಲ” ಎಂದು ಬರೆದುಕೊಂಡಿದ್ದರು. ಲಾಕ್ ಡೌನ್ ಸಮಯದಲ್ಲಿ ತಮ್ಮ ಊರಿನಲ್ಲಿ ಸುಮ್ಮನೆಯಿರದೇ ಸದ್ದಿಲ್ಲದೆ ಸ್ಟುಡಿಯೋವನ್ನು ಪ್ರಾರಂಭಿಸಿದ ರವಿ ಬಸ್ರೂರ್ ರವರ ಈ ಕೆಲಸಕ್ಕೆ ಊರಿನ ಜನರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇದು ತಮ್ಮ ಊರಿನ ಹೊಸ ಪ್ರತಿಭೆಗಳಿಗೆ ಆಸಕ್ತರಿಗೆ ಒಂದೊಳ್ಳೆ ಅವಕಾಶವಾಗಿದೆ.
