ಕನ್ನಡದ ಹಲವು ಚಿತ್ರಗಳಿಗೆ ಸಂಭಾಷಣೆಕಾರನಾಗಿ ಸಹ ನಿರ್ದೇಶಕ
ನಾಗಿ ಕೆಲಸಮಾಡಿರುವ ಎ.ಆರ್.ಸಾಯಿರಾಂ ಅವರು ನಿರ್ದೇಶಕನಾಗಿ
ಬಡ್ತಿ ಪಡೆಯುತ್ತಿದ್ದಾರೆ. ಅಶ್ವ ಎಂಬ ಚಿತ್ರದ ಮೂಲಕ ಸಾಯಿರಾಂ
ಅವರು ಸ್ವತಂತ್ರ ನಿರ್ದೇಶಕರಾಗುತ್ತಿದ್ದಾರೆ.
ವಿವನ್ ಎಂಬ ಉದಯೋನ್ಮುಖ ನಟ ಈ ಚಿತ್ರದ ಮೂಲಕ ನಾಯಕನಾಗಿ ಚಿತ್ರರಂಗಕ್ಕೆ
ಪಾದಾರ್ಪಣೆ ಮಾಡಲಿದ್ದು, ಈ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್
ಇಂದು ಬಿಡುಗಡೆಯಾಗಿದೆ. ಕನ್ನಡದ ಹೆಸರಾಂತ ಸಂಗೀತ ನಿರ್ದೇಶಕ
ಅಜನೀಶ್ ಲೋಕನಾಥ್ ಅವರು ಈ ಚಿತ್ರಕ್ಕೆ ಸಂಗೀತ ಸಂಯೋಜನೆ
ಮಾಡಲಿದ್ದಾರೆ. ಕೆ.ಕೆ.ಕಂಬೈನ್ಸ್ ಬ್ಯಾನರ್ ಅಡಿಯಲ್ಲಿ ಕೋಲಾರ್ ಕೇಶವ
ಹಾಗೂ ಹೇಮಾಲತಾ ಎಂಬುವವರು ಈ ಚಿತ್ರವನ್ನು ನಿರ್ಮಾಣ
ಮಾಡಲಿದ್ದಾರೆ. ಚಿತ್ರದ ಮಹೂರ್ತ ಹಾಗೂ ಇನ್ನಿತರೆ ಕುರಿತ ಮಾಹಿತಿಗಳನ್ನು
ಚಿತ್ರತಂಡ ಸದ್ಯದಲ್ಲೇ ತಿಳಿಸಲಿದ್ದಾರೆ. ಈ ಚಿತ್ರದ ಮೂಲಕ ಚಿತ್ರರಂಗದಲ್ಲಿ
ಹೊಸ ಹೆಜ್ಜೆಯನ್ನು ಪ್ರಾರಂಭಿಸಿರುವ ನಿರ್ದೇಶಕ ಸಾಯಿರಾಂ ಹಾಗೂ ನಟ
ವಿವನ್ ಅವರಿಗೆ ಶುಭಹಾರೈಸೋಣ.
