ಶಿವಣ್ಣ ಮತ್ತು ಹರ್ಷ ಕಾಂಬಿನೇಷನ್ ನ 4 ನೇ ಚಿತ್ರ

‘ಭಜರಂಗಿ’, ‘ವಜ್ರಕಾಯ’, ‘ಭಜರಂಗಿ 2’ ಹೀಗೆ ಆಂಜನೇಯನಾ ಹೆಸರುಗಳನ್ನೆ ತಮ್ಮ ಸಿನಿಮಾಕ್ಕೆ ಇಟ್ಟು ಯಶಸ್ಸು ಕಂಡಿದ್ದ ಹರ್ಷ ತಮ್ಮ ಮುಂದಿನ ಸಿನಿಮಾಕ್ಕೆ ಈಗ ‘ಮುತ್ತುರಾಯ’ ಎಂದು ಹೆಸರಿಟ್ಟಿದ್ದಾರೆ. ಈ ಸಿನಿಮಾದ ಚಿತ್ರೀಕರಣ ಜನವರಿಯಲ್ಲಿ ಪ್ರಾರಂಭವಾಗಲಿದ್ದು, ಹರ್ಷ ಮತ್ತು ಶಿವರಾಜ್ ಕುಮಾರ್ ಕಾಂಬಿನೇಷನ್ ನಲ್ಲಿ ಇದು 4 ನೇ ಸಿನಿಮಾವಾಗಿದ್ದು, ಶಿವಣ್ಣ ನಟನೆಯ 124 ನೇ ಚಿತ್ರವಾಗಲಿದೆ. ‘ಮುತ್ತುರಾಯ’ ಹೆಸರು ಇಟ್ಟಿದ್ದೇವೆ. ಅದರೆ ಇದೇ ಫೈನಲ್ ಅಲ್ಲ. ಹೆಸರಿನ ಬದಲಾವಣೆಯಾದರೂ ಆಗಬಹುದು. ಈ ತಿಂಗಳ ಕೊನೆಯಲ್ಲಿ ಹೆಸರನ್ನು ರಿವೀಲ್ ಮಾಡುತ್ತೇವೆ ಎಂದಿದ್ದಾರೆ ನಿರ್ದೇಶಕ ಹರ್ಷ. ಭಜರಂಗಿ -2 ಚಿತ್ರದ ಚಿತ್ರೀಕರಣ ಮುಗಿದಿದ್ದು, ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ನಡೆಯುತ್ತಿದ್ದು, ಇದು ಹಿಂದಿ ಡಬ್ಬಿಂಗ್ ರೈಟ್ಸ್ 5.5 ಕೋಟಿಗೆ ದೊಡ್ಡ ಮೊತ್ತಕ್ಕೆ ಮಾರಾಟವಾಗಿದೆ ಎನ್ನಲಾಗುತ್ತಿದೆ.